அவர்களது புலன்கள் வழி தடுமாறி,குற்றங்கள் இழைக்காமல் இருப்பதில் மனிதர்கள் மிகுந்த கவனம் எடுத்துக் கொள்ள வேண்டும்.தீயதைச் சிந்திப்பது, தீயதைப் பேசுவது மற்றும் தீயதைச் செய்வது என்பது முற்றிலும் அழிவிற்கு வழி வகுக்கும். உதாரணமாக மஹாபாரதத்தில், துரியோதனனுக்கு பாண்டவர்களைப் பற்றித் தீய சிந்தனைகள் இருந்தது; இறுதியில் அவன், அவனது குடும்பம் முழுவதற்கும் அழிவைத் தேடித் தந்தான். மந்தராவின் தீய ஆலோசனைக்கு செவி மடுத்ததால், தனது கணவனை இழந்ததோடு மட்டும் அல்லாமல், அவளது மகனான பரதனின் பாசம் மற்றும் ப்ரேமையை இழந்த கைகேயியின் கதை ஸ்ரீமத் ராமாயணத்தில் இருக்கிறது.இன்று எவரும் இழிவான பாத்திரங்களான துரியோதனன், கீசகன் அல்லது ராவணன் என்று அழைக்கப் படுவதை விரும்புவதில்லை.அவர்களது பெயர்கள் விரும்பப் படாதவையாக இருந்தாலும் கூட, அவர்கள் கொண்டிருந்த தீய குணங்களை மனித குலம் விட்டு விடவில்லை. தீய பார்வை, தீய பேச்சு, தீய அறிவுரைகள் மற்றும் அவதூறான வதந்திகளுக்கு செவிசாய்க்கும் பேராசை ஆகியவற்றைக் கைவிடப் பாடுபடுங்கள்.