ஒவ்வொரு நொடியும் ஒரு புது வருடப் பிறப்பே. நொடிகள் சேர்ந்து நிமிடங்களாகவும், நிமிடங்கள் சேர்ந்து மணிகளாகவும், மணிகள் சேர்ந்து நாட்களாகவும், நாட்கள் சேர்ந்து மாதங்களாகவும், மாதங்கள் சேர்ந்து வருடங்களாகவும் ஆகின்றன. எனவே,ஒரு வருடத்தின் ஆரம்பம் அல்லது முடிவு என்பதில் குறிப்பிட்ட விசேஷம் எதுவும் இல்லை.சில மனிதர்கள், இந்த நாளுக்கு ஒரு தனிப்பட்ட முக்கியத்துவத்தை அளித்து, ஏதோ சில அசாதாரணமான அல்லது வியக்கத் தக்க நிகழ்வுகள் ஏற்படப் போகின்றன என ஊகிக்கிறார்கள். நேரம் அல்லது நாள், உங்களது சந்தோஷம் அல்லது துக்கத்திற்குக் காரணம் அல்ல. கடந்த காலத்திலான உங்களது சொந்த செயல்களே (கர்மா), உங்களது சந்தோஷம் அல்லது துக்கம் என்ற இரண்டிற்கும் காரணம் ஆகும்.விதை எப்படியோ செடியும் அப்படியே, பழமும் அப்படியே; அவை வெவ்வேறாக இருக்க முடியாது.உங்கள் மனச் சக்தியை இந்த அல்லது அந்த நிகழ்வைப் பற்றிய ஊகங்களில் வீணடிக்காதீர்கள் ! ப்ரேமையின் திருவுருவங்களே! உங்களால் ஆற்றப்படும் செயல்கள் சரியானதாகவும், பரிசுத்தமானதாகவும் இருந்தால், நீங்கள் நல்ல விளைவுகளையே பெறுவீர்கள்!இறைவனே காலத்தின் அதிபதி. அவன் காலத்திற்கு அப்பாற்பட்டவன்.இறைவனே உங்களது முதல் முன்னுரிமையாக இருக்க வேண்டும் !பரிசுத்தமான,நிலையான, தன்னலமற்ற ப்ரேமையை, புது வருடத்தில் வளர்த்துக் கொள்ளுங்கள் !