மனிதனுக்கு உடல், மனம் மற்றும் ஆத்மா என்ற மூன்று நிலைகளிலும் சாந்தி அத்தியாவசியமாகிறது.இதன் காரணமாகத்தான் நாம் சாந்தி, சாந்தி, சாந்தி என மூன்று முறை உச்சரிக்கிறோம்.இறைவன் பால் ப்ரேமையை வளர்த்துக் கொள்வதனால் மட்டுமே, நீங்கள் இந்த மூன்று நிலைகளிலும் சாந்தியைப் பெற முடியும். இறைவன் பால் ப்ரேமை இல்லாதவன் ஒரு போதும் சாந்தியாக இருக்க முடியாது. உலகியலான அனைத்து சுகங்களும் மறையக்கூடியவை மற்றும் தாற்காலிகமானவையே. இந்த உணர்வைத் தான் ஆதி சங்கரரும், ‘’மா குருதன ஜன யௌவன கர்வம், ஹரதி நிமேஷா காலஸ் ஸர்வம் – ‘’உங்களது செல்வம், பரம்பரை மற்றும் இளமையைப் பற்றிக் கர்வம் கொள்ளாதீர்கள். காலம் எனும் அலை அவற்றை ஒரு நொடியில் அழித்து விடக் கூடும் ‘’ என்று எதிரொலிக்கிறார். சந்தோஷம் என்றால் என்ன? ஒரு குளிர் சாதனக் கருவி உள்ள அறையில் உட்கார்ந்திருப்பதா அல்லது மிகவும் சுவையான உணவை உண்பதா? இவை உடல் மற்றும் மனத்தளவில் மட்டுமே சந்தோஷத்தை அளிக்குமே அன்றி ஆத்மாவின் அளவில் அல்ல.உண்மையான சந்தோஷம் என்பது ஆத்மாவோடு சம்பந்தப்பட்டதே. நீங்கள் இன்னல்களைப் பற்றி பயப்படக் கூடாது; அவை கலையும் மேகங்களைப் போன்றவை. ஊசலாடாதீர்கள். நிலையாகவும், அலை பாயாமலும் இருக்கும் இதயத்தைப் பின்பற்றுங்கள்.