ஏசு கிருஸ்து பிறந்தபோது, மூன்று அரசர்கள் குழந்தையைக் காண வந்தார்கள். அவரில் ஒருவர், இந்தக் குழந்தை இறைவனை நேசிக்கும் ஒருவனாக இருப்பான் என்று கூறினார். இரண்டாமவர், அவன் இறைவனால் நேசிக்கப் படுபவனாக இருப்பான் என்று கூறினார்.மூன்றாமவர்,அவனே இறைவன் என்றார். இறைவனை நேசிப்பவர், இறைவனின் ஒரு தூதர் ஆவார். இறைவனால் நேசிக்கப்படும் ஒருவர் ‘’ இறைவனின் மகன்’’ ஆவார். எப்போது ஒருவர் இந்த இரண்டையும் அனுபவிக்கிறாரோ, அவர் இறைவனோடு ஒன்றாக ஆகி விடுகிறார்- ‘’ தந்தையும், மகனும் ஒருவரே ‘’. எனவே, முதலில் நீங்கள் உங்களையே இறைவனது தூதர்களாக ஆக்கிக் கொள்ளத் தயாராக வேண்டும். இதன் பொருள்,நீங்கள் இறைவனது போதனைகளின் படி நடக்க வேண்டும் என்பதாகும்.அந்த போதனை அனைவருக்கும் சேவை செய்ய வேண்டும் என்கிறது. இரக்கம்,அறநெறி மற்றும் ஒழுக்கம் ஆகியவை இந்த போதனையின் இன்றியமையாத அம்சங்களாகும்.இந்த போதனையைப் பரப்பும் போது, இறை நம்பிக்கையையும் வளர்க்க வேண்டும். ப்ரேமையே தாரக மந்திரமாக இருக்க வேண்டும். ப்ரேமை இன்மையே த்வேஷம் எழுவதற்கு வழி வகுக்கிறது. இந்நாளில் மக்களிடையே ஒற்றுமை இல்லை. ஒற்றுமை இன்றி ஆனந்தம் எப்படி இருக்க முடியும்? ஆனந்தம் இன்றி ஒருவர் எவ்வாறு ஆண்டவனை அனுபவிக்க முடியும்?