ஆன்மிக சாதனை உங்களை சாந்தமானவராக, நிலைகுலையாதவராக, கம்பீரமானவராக, சமச்சீரானவராக ஆக்க வேண்டும்.சந்திரனே மனதின் போக்கைக் கட்டுப்படுத்தும் தேவதையாக இருப்பதால், உங்கள் மனதை நில ஒளியைப் போல குளுமையாகவும், இதமானதாகவும் ஆக்கிக் கொள்ளுங்கள். பேசும் போதும், வன்மம், தூற்றுதல் மற்றும் போற்றுதல் ஆகியவற்றிற்கு பதிலளிக்கும் போதும் அமைதியாக இருங்கள். மற்றவர்கள் உங்களது சமச்சீரான மனப்பாங்கைக் குலைக்கிறார்கள் என்று குறை கூறுகிறீர்கள்; ஆனால், உங்கள் நாக்கு பேசாமல் இருந்தாலும் கூட,உங்கள் சிந்தனைகள் சுற்றி இருப்பவர்களின் சமச்சீரான மனப்பாங்கினை குலைக்கக் கூடும் என்பதை நீங்கள் அறிவதில்லை.பற்றின்மை, இறைநம்பிக்கை மற்றும் ப்ரேமை -இவையே சாந்தியைத் தாங்கி நிற்கும் தூண்களாகும்.இவற்றில் இறைநம்பிக்கை மிகவும் முக்கியமானதாகும்.அது இன்றி அனைத்து ஆன்மிக சாதனையும் ஒரு வெற்றுச் சடங்கே. பற்றின்மையே ஆன்மிக சாதனையை பயனுள்ளதாக ஆக்குகிறது; ப்ரேமை ஒருவரை இறைவன் பால் விரைவாக இட்டுச் செல்கிறது. இறை நம்பிக்கை, இறைவனைப் பிரிந்து இருப்பதன் வேதனையை அதிகரிக்கிறது; பற்றின்மை அதை இறைவனை நோக்கிய பாதையில் செலுத்துகிறது; மேலும் ப்ரேமை அதற்கு வெளிச்சமிட்டு வழி காட்டுகிறது. உங்களுக்குத் தேவையானதையும் தகுதியானதையும் இறைவன் உங்களுக்கு அளிப்பார்; எதையும் கேட்க வேண்டிய அவசியம் இல்லை; புலம்புவதற்கான எந்தக் காரணமும் இல்லை; திருப்தியுடன் இருங்கள். இறைவனது ஸங்கல்பத்திற்கு எதிராக எதுவும் நிகழாது!