நீங்கள் இனிப்பான ஒரு பானத்தைக் குடிக்க விரும்புகிறீர்கள்; ஆனால், சர்க்கரை என்று நினைத்து, சர்க்கரைக்குப் பதிலாக கோப்பையில் உப்பைப் போட்டு விடுகிறீர்கள். மனிதனின் இன்றைய நிலைமை இதுதான்.அவன் சாந்திக்காக ஏங்குகிறான்,ஆனால் அதை எப்படி அடைவது என்பது அவனுக்குத் தெரியவில்லை. இதற்காக அவன் பயன்படுத்தும் முறைகள், அவனை, எதிர்பார்த்த முடிவிற்கு இட்டுச் செல்வதில்லை. என்னைக் காண வருபவர்களில் பெரும்பாலானவர்கள், துக்கம் மற்றும் சுகம், பிறப்பு மற்றும் இறப்பு என்ற பந்தத்திலிருந்து, மோக்ஷம் (ஆத்ம சாக்ஷாத்காரம் அல்லது விடுதலை) வேண்டும் எனக் கேட்கிறார்கள்.ஆனால், அவர்களது விருப்பம் பூர்த்தி அடைவதை நான் ஆசிர்வதிக்கத் தயாராக இருந்தால், அவர்கள் முன் வருவதில்லை; அவர்கள் அது பத்து அல்லது ஜந்து வருடங்களுக்குப் பின்னர் இருக்கட்டுமே என்கிறார்கள். எனவே, இந்த தாகம் அல்லது ஆர்வம் எல்லாம் வெறும் நடிப்பே; அது ஒரு படாடோபமான கோஷமே அன்றி வேறு ஒன்றும் இல்லை. மனிதன் நேர்மையாக இருக்க வேண்டும்;அவனது வார்த்தை, அவனது உணர்வோடு ஒத்ததாக இருக்க வேண்டும்; அவனது செயல் அவனது வார்த்தைக்கு ஒத்ததாக இருக்க வேண்டும்.இதை இன்றிலிருந்தாவது கடைப்பிடிப்பதாக முடிவு எடுங்கள். உங்களுக்கு நீங்களே பொய்யானவர்களாக இருக்காதீர்கள்.