ஆசிரமங்களின் பட்டமளிப்பு விழா, வாழ்க்கையின் ஒரு இனிமையான அத்தியாயம் பூர்த்தி அடைவதைக் குறிப்பதாகும்; அப்போது, வரும் காலங்களில் பின்பற்ற வேண்டிய இலட்சியங்கள் மனதில் பதிக்கப் பட்டன. அந்த பட்டமளிப்பு விழாக்களின் போது குருமார்கள் அளித்த அறிவுரை, ’’ தாயைத் தெய்வமாகக் கருது, தந்தையைத் தெய்வமாகக் கருது, குருவைத் தெய்வமாகக் கருது மற்றும் விருந்தினரைத் தெய்வமாகக் கருது ‘’ என்பதே ஆகும். இந்த நான்கு விதமான அறிவுரையை, அதன் நம்பகத் தன்மையில் முழு விசுவாசம் வைத்துப் பின்பற்றி, அதிலிருந்து ஆனந்தம் பெறுவதோடு, உங்களது முன்னுதாரணத்தின் மூலம் மற்றவர்களுக்கும் உத்வேகம் அளியுங்கள்; அதனால், தாய்நாடு முன்னேறி வளம் பெறட்டும். உங்கள் முன்னேற்றத்தை உறுதி செய்வதற்காக, உங்கள் பெற்றோர் தங்கள் வசதிகள் மற்றும் தேவைகளையும் கூடத் தியாகம் செய்து கொண்டு இருக்கிறார்கள். அவர்களைப் போற்றி, சந்தோஷப்படுத்துவது உங்களது கடமையாகும். முதலில், உங்களது பெற்றோரை மகிழ்வித்து, உங்களது இல்லங்களை பிரகாசிக்கச் செய்யுங்கள். நீங்கள் சில விஷயங்களைப் படித்து இருக்கிறீர்கள் என்பதால், உங்களது பெற்றோரிடம் ஆணவமாக நடந்து கொள்ளாதீர்கள். நீங்களே வெட்கித் தலைகுனியும் செயல்களில் அல்லாது, மற்றவர்கள் மதிக்கும் செயல்களில் உங்களை நீங்களே ஈடுபடுத்திக் கொள்ளுங்கள். வரையற்ற ஆசைகளால், உங்கள் மனங்கள் கலக்கம் அடைவதை அனுமதிக்காதீர்கள். உங்கள் தாய்நாட்டை நேசியுங்கள். எனது இந்த விருப்பத்தை, என் ஆசிகளுடன் பூர்த்தி செய்யுங்கள்!