ஆன்மிகக் கட்டுப்பாட்டின் முதல் படி, பேச்சைத் தூய்மைப்படுத்துவதே.கோபம் இன்றி இனிமையாகப் பேசுங்கள். உங்களது பாண்டித்யம் அல்லது சாதனைகளைப் பற்றித் தம்பட்டம் அடித்துக் கொள்ளாதீர்கள். பணிவாக இருங்கள் மேலும் சேவை ஆற்ற ஆர்வம் உள்ளவர்களாக இருங்கள்.உங்களது பேச்சைக் குறைத்துக் கொள்ளுங்கள். மௌனத்தைக் கடைப்பிடியுங்கள். அது உங்களை சண்டைகள், வேண்டாத சிந்தனைகள் மற்றும் பிரிவுகளிலிருந்து காப்பாற்றும். மேலும், மற்றவர்கள் மகிழ்ச்சியாக இருக்கும் போது, சந்தோஷ மனப்பாங்கையும், உங்களைச் சுற்றியுள்ள பிறர் துக்கமடையும் போது, துக்கமான மனப்பாங்கினையும் கடைப்பிடியுங்கள். உங்களது இதயம் இரக்கத்தால் இளகட்டும்.சந்தோஷம் மற்றும் துக்கம் சேவையாக மாற வேண்டும்; அவை வெறும் உணர்வுகளாக மட்டுமே இருக்கக் கூடாது !உங்களுள் பொதிக்கப் பட்டுள்ள ஞானத்தின் கதிரைக் கொண்டு, உங்களுக்கே பயிற்சி அளித்துக் கொள்ளுங்கள்.ஒருமுறை நீங்கள் உங்களது அனைத்துத் திறனுடனும் முயன்றால், நீங்கள் முன்னேற உதவுவதற்கு இறைவனது அருள் அங்கு இருக்கும். சூரியன் உதயமாகும் போது, ஏரியில் உள்ள எல்லாத் தாமரைகளும் மலருவதில்லை; நன்கு வளர்ந்த மொட்டுகள் மட்டுமே தங்களது இதழ்களைத் திறக்கும். மற்றவை அவைகளது நேரத்திற்காகக் காத்து இருக்கும். மனிதர்களும் அதே மாதிரியானவர்களே. அனைத்து பழங்களும் பழுத்து என்றாவது ஒரு நாள் விழத்தான் வேண்டும் என்றாலும் முற்றாததன் காரணமாக வித்தியாசங்கள் இருக்கத் தான் செய்கின்றன.

வெட்டிப் பேச்சில், நேரத்தை வீணடிக்காதீர்கள்; எவ்வளவு குறைவாகப் பேச முடியுமோ அவ்வளவு குறைவாகவும்,இதமாகவும் பேசுங்கள், இனிமையாகப் பேசி,அனைவருக்கும், அவர்களுக்குள் உறையும் சாயியைப் போற்றி, சகோதர,சகோதரிகளைப் போல,சேவை ஆற்றுங்கள் - பாபா