முதன் முதலில், நீங்கள் உங்களுக்குக் கொடுக்கப் பட்டுள்ள உடல் மற்றும் மன வலிமைகளை நல்ல முறையில் பயன்படுத்த ஒரு முயற்சி எடுக்க வேண்டும். நீங்கள் அவற்றைப் பயன்படுத்தாமலேயே சோம்பேரியாக இருப்பீர்களானால், தெய்வீக சக்திகளை வைத்துக் கொண்டு என்ன செய்யப் போகிறீர்கள் ? உங்களுக்கு இறைவனது அருள் மற்றும் சக்தியால் உணவும் நீரும் கொடுக்கப் பட்டு இருக்கிறது என்ற வைத்துக் கொள்ளுங்கள். இறைவன் உங்கள் தட்டில் வேண்டிய அளவு உணவைக் கொடுத்து விட்டான் என்பதால், இந்த உணவை வயிற்றிற்கு அனுப்புவதற்கும் கூட இறைவன் உதவுவான் என்று நீங்கள் நினைத்தால், அது ஒரு சோம்பேரித்தனமான கருத்தாகும்.உணவை வயிற்றிற்கு எடுத்துச் செல்வதற்கு இறைவன் உங்களுக்குக் கைகள், ஒரு நாக்கு மற்றும் ஒரு வாயைக் கொடுத்துள்ளான். நீங்கள் அவற்றை நல்ல முறையில் பயன்படுத்த வேண்டும். நாம் நமது மன மற்றும் உடல் வலிமைகள் மேலும் பிற அவயவங்கள் ஆகியவற்றை நல்ல முறையில் பயன்படுத்துவதைக் கற்றுக் கொள்ள வேண்டும் என்பதற்காகவே, இறைவன் மனித உருவில் வருகிறான்; இவற்றை எவ்வாறு பயன்படுத்த வேண்டும் என்பதை எடுத்துக் காட்டுகிறான். நீங்கள் எப்படி உங்களது சிந்தனை, சொல் மற்றும் செயலை நல்ல மற்றும் சரியான முறையில் பயன்படுத்த வேண்டும் என்பதை போதிப்பதே ஒரு அவதாரத்தின் இன்றியமையாத குணமாகும்.