எப்போது ஆத்ம சாக்ஷாத்காரம் மற்றும் ஒருவரது உண்மை நிலையைத் தெரிந்து கொள்வதற்கான தாகம் தீவிரமாக இருக்கிறதோ, அப்போது இயற்கையின் ஒரு விசித்திரமான மற்றும் மர்மமான சக்தி செயல்படத் தொடங்கி விடுகிறது. நிலம் தயாராக ஆகி விட்டால், விதை எங்கிருந்தோ தோன்றி விடுகிறது! ஆன்மிக குரு தயாராக்கப் பட்டு, தாகம் தணிக்கப்பட்டு விடும். அதைப் பெறும் நபர், ஞான ஒளியைத் தருபவரை ஈர்க்கும் சக்தியை வளர்த்துக் கொண்டு விடுவார். அந்த சக்தி வலிமை வாய்ந்ததாகவும், முழுமையானதாகவும் இருக்கும். எனவே, இயல்பாகவே, ஞான ஒளியைத் தரும் காந்தி ஆசீர்வதிக்கத் தயாராகி விடும். பொதுவான குருமார்கள் எண்ணிக்கையில் அதிகரித்துள்ள போதிலும், எந்தவொரு அல்லது அனைத்து குருக்களையும் விட மிக உயர்ந்த மற்றும் கருணையுள்ள ஒரு குரு , ஒருவருக்கு கிடைத்து விடுவார். அப்படிப் பட்ட குரு, இறைவனது அவதாரத்தைத் தவிர வேறு எவருமில்லை. தனது ஸங்கல்பத்தின் வெறும் ஒரு அறிவிப்பின் மூலமே, ஆன்மிக வாழ்க்கையின் மிக உயர்ந்த நிறைவை, அவரால் அளிக்க முடியும். அவரால் அதைப் பரிசாக அளிக்கவும் முடியும்; அதை ஏற்றுக் கொள்ளக் கூடிய ஒருவரைப் பெறவும் முடியும். மட்டத்திலும் மட்டமானவர் கூட, ஒரு நொடியில், தலை சிறந்த ஞானத்தைப் பெற முடியும். அவர் அனைத்து குருமார்களுக்குமே குரு ஆவார்.அவர் இறைவனின் பரிபூரண திருவுருவமான ஒரு மனிதர் ஆவார். ஒரு மனிதன் இறைவனை மனித உருவில் தான் உணர முடியும். இறைவன் ஒரு மனித உருவில் அவதாரம் எடுத்து வரா விட்டால், மனிதர்கள் இறைவனைக் காண்பதையோ அல்லது அவனது குரலைக் கேட்பதையோ ஒரு போதும் எதிர்பார்க்க முடியாது.