உள்ளுறைபவனாகிய இறைவனின் மகத்துவம் மற்றும் கம்பீரத்தை, அவனது திருநாமம் எனும் கருவியின் மூலம் இடையறாது நினைவு கூறுவது இதயத்தைத் தூய்மைப் படுத்த உதவுகிறது. ஆன்மிக ஆரோக்யத்தை ஊக்குவிக்கும் B12 வைட்டமின் இதுவே. வேறு எந்த மாத்திரையும் அவசியமில்லை. வாழ்க்கை என்பது, கரடுமுரடான மற்றும் முட்கள் நிறைந்த ஒரு பாதையில் ஒருவர் தட்டுத் தடுமாறிச் செல்லும் ஒரு தீர்த்த யாத்திரையாகும். இறைவனது திருநாமத்தை உதடுகளில் கொண்டிருக்கும் போது ஒருவருக்கு தாகம் இருக்காது; இறைவனது திவ்ய ரூபத்தை இதயத்தில் கொண்டிருக்கும் போது ஒருவர் களைப்பையே உணர மாட்டார். புனிதமானவர்களின் நட்பு வட்டம் ஒருவருக்கு நம்பிக்கை மற்றும் விசுவாசத்துடன் பயணிக்க உத்வேகம் அளிக்கும். இறைவன் அனைத்தினுள்ளும் இருக்கிறான், அவன் எப்போதும் அருகில் இருக்கிறான் என்ற உத்திரவாதம் அவயவங்களுக்கு வலிமையையும், கண்ணுக்கு தைரியத்தையும் அளிக்கும். ஒவ்வொரு அடி எடுத்து வைக்கும் போதும் நீங்கள் இறைவனை நெருங்கிக் கொண்டு இருக்கிறீர்கள்; இறைவனும் கூட உங்களை நோக்கி பத்து அடிகள் எடுத்து வைக்கிறான் என்பதை நினைவில் கொள்ளுங்கள். இந்த தீர்த்த யாத்திரையில் தங்கும் இடம் என்று எதுவும் இல்லை; பகல் மற்றும் இரவு, பள்ளத்தாக்கு மற்றும் பாலைவனம்,கண்ணீர்கள் மற்றும் களிப்புகள், இறப்பு மற்றும் பிறப்பு மேலும் கல்லறை மற்றும் கருவறை ஆகியவற்றின் மூலம் செல்லும் இடையறாது தொடரும் ஒரு பயணமாகும் இது.