மீன் பிடிப்பவன் ஒரு கம்பு மற்றும் தூண்டிலைப் பயன்படுத்துகிறான்; அந்தத் தூண்டிலில் ஒரு மிதப்பான் இருக்கிறது; அதிலிருந்து ஒரு புழுவைக் கொண்ட ஒரு கூரிய கொக்கி தண்ணீருக்குள், மூழ்கி தொங்கிக் கொண்டு இருக்கும். மீன், அந்தப் புழுவினால் கொக்கிக்குள் ஈர்க்கப்பட்டு விடும்; அப்போது அந்த மிதப்பான் அசையும்; மீன் பிடிப்பவன், மீன் தூண்டிலை இழுப்பதை உணர்ந்து, அதை நிலத்தின் மேல் இழுத்துப் போட்டு விடுவான்; அங்கு அது எந்த உதவியும் இன்றி சுவாசிக்க முடியாமல் கிடக்கும். உடலே அந்தக் கம்பு; ஏக்கம், அந்த ஆர்வமான நாட்டமே அந்தத் தூண்டில்; புத்தியே மிதப்பான்; பகுத்தறிவே கொக்கி; ஞானமே புழு; ஆத்மாவே, புத்திசாலியான மீன் பிடிப்பவரால், இப்படிப் பிடிக்கப்படும் மீன். உங்களுக்கு ஆன்மீக ஞானம் கிடைக்கும் போது, கைவல்யம் (தெய்வீக நிலை) உங்களை நோக்கி ஈர்க்கப் படுகிறது. காமம், க்ரோதம் மற்றும் த்வேஷத்தின் எல்லைகளைத் கடந்து, அனைத்தையும் ஆட்கொள்ளும், தெய்வீக ஸங்கல்பமாக, செயல்பாடாக,சச்சிதானந்தமாக தெய்வீகம் அனுபவிக்கப்படும், கைவல்யம் என்ற நிலைக்குள் செல்லுங்கள். கைவல்யத்தில் நிலை கொண்டு இருப்பதற்கு, நீங்கள் உங்களது தமஸை (அறியாமை) அடக்கி, ரஜஸை (அதீத உணர்வுகளை) புடமிட்டு, ஸத்வத்தை (பரிசுத்தம்) வளர்த்துக் கொள்ள வேண்டும்.