இந்த உலகில் இருப்பது எல்லாம் இறைவனைத் தவிர வேறு எதுவும் இல்லை.ஒரு மணல் துளியிலும், ஒரு பெரிய லட்டுவிலும் இருக்கும் தெய்வ தத்துவம் ஒன்றே ஒன்று தான்.ஒரு முறை நீங்கள் இந்த சத்தியத்தை உணர்ந்து விட்டால், நீங்களே பரப்ரம்மம் ஆகி விடுவீர்கள்.உங்களது இருமை (த்வைத) உணர்வினால் தான் நீங்கள் குழப்பத்திற்கும், துன்பத்திற்கும் ஆளாகிறீர்கள். வேற்றுமையில் ஒற்றுமையைக் காண்பதற்கு பதிலாக, நீங்கள் ஒற்றுமையில் வேற்றுமையைக் காண்கிறீர்கள். பிற அனைத்து எண்களுக்கும், எண் ஒன்றே ஆதாரம். அதைப் போலவே, நாமங்களும், ரூபங்களும் வெவ்வேறாக இருக்கலாம், ஆனால் அவை அனைத்தும் அடிப்படையில் ஒன்றேயாகும். இரண்டாமவர் என்று எவரும் இல்லை. தெய்வீகத்தைத் தவிர, இரண்டாவதாக இருக்கும் பொருள் எதுவும் இல்லை. பல ஆன்மிக சாதகர்களும்,யோகிகளும், இந்த தெய்வீக தத்துவத்தைப் புரிந்து கொள்ள ஒருங்கிணைந்த முயற்சிகள் செய்துள்ளார்கள். ஏகம் ஸத், விப்ராஹ பஹூதா வதந்தி (சத்தியம் ஒன்றே, ஆனால் அறிஞர்கள் அதைப் பல நாமங்களால் குறிப்பிடுகிறார்கள்) என்பதை அவர்கள் இறுதியாக உணர்ந்தார்கள். நீங்கள் இந்த சத்தியத்தை உணராததால், வெளிப்படையாகத் தெரியும் இருமையால் நீங்கள் மயங்கி விடுகிறீர்கள்.