மனச்சாந்தியை நாடும் சாதகர்கள், அவர்கள் பராமரிக்க வேண்டிய சுமையையும் கூடக் குறைக்க வேண்டும்; சுமை எவ்வளவு அதிகமோ, தொந்தரவு அவ்வளவு அதிகமே. உலகியலான பொருட்கள், சொந்த ஆசைகள் என்ற இரண்டும் ஆத்ம சாக்ஷாத்காரத்திற்கான ஓட்டப் பந்தயத்தில் முட்டுக்கட்டைகளே. மரக்கடைகள் அடைத்து வைக்கப் பட்டுள்ள ஒரு வீடு இருட்டாகவும், தூசி படிந்ததாகவும், தூய காற்று புகமுடியாததாகவும் இருக்கும்; அது அடைசலாகவும், மூச்சைத் திணற அடிப்பதாகவும் இருக்கும். மனித உடலும் கூட ஒரு வீடு போன்றதே; அதை அரிய பொருட்கள், அற்பமானவைகள், குப்பை மற்றும் தேவையற்ற அலங்காரங்கள் ஆகியவற்றால் அடைத்துக் கிடக்க அனுமதிக்காதீர்கள். புனிதத்துவத்தின் தென்றல் தன் இஷ்டப்படி அதனுள் வீசட்டும்; கண் மூடித்தனமான அறியாமை எனும் இருட்டு அதை இழிவு படுத்தாமல் இருக்கட்டும். வாழ்க்கை என்பது மாற்றம் எனும் கடலின் மீதுள்ள ஒரு பாலமே; அதில் ஏறிக் கடந்து செல்லுங்கள்; அதன் மீது ஒரு வீட்டைக் கட்டாதீர்கள். உங்கள் இதயம் எனும் கோவிலில் பிரசாந்திக் கொடியை ஏற்றுங்கள். அது போதிக்கும் பரிந்துரையைப் பின்பற்றுங்கள்- மனிதனுள் உள்ள இயற்கையான ஆனந்தத்தை வலிவற்றதாக்கும் ஆறு விதமான எதிரிகளை அடக்கி, அனைத்து கலக்கங்களும் அமைதிப் படுத்தப் பட்ட யோக நிலைக்கு உயர்ந்து, எல்லாவற்றையும், எல்லாக் காலங்களிலும் அரவணைக்கும் உள்ளுறையும் தெய்வீகத்தின் (ஆத்மாவின்) காந்தி ஒளிவிட்டுப் பிராகாசிக்க அனுமதியுங்கள்.