ஒருவர் கல்லூரி அல்லது பள்ளிக்குச் செல்லும்போது, குறித்த நேரத்தில் செல்வது, விரிவுரை மற்றும் இதர கல்வி சம்பந்தமான பயிற்சிகளில் ஈடுபடும் போது உன்னிப்பாகக் கவனிப்பது ஆகியவை மட்டுமே அவர்களது ‘’ கடமை’’ என்று மாணவர்கள் நினைக்கிறார்கள். அவர்களுக்கு என்று வகுக்கப்பட்ட நேரங்களில் சென்று அவர்களுக்கு கொடுக்கப்பட்ட பணிகளை ஆற்றி விட்டால், அவர்களது கடமை முடிந்து விட்டதாக, ஆசிரியர்களும் கூடக் கருதுகிறார்கள். இந்தத் தவறான கருத்து விட்டு விடப் பட வேண்டும். தனி மனித இதயத்திலும், சமுதாயத்திலும் கூட சாந்தியை நிலை நாட்டுவதற்கான ஒரு ஆன்மிக சாதனையாக, கல்வி வரவேற்கப் பட வேண்டும். கல்வி என்பது, சரஸ்வதி தேவி தலைமை தாங்கி நடத்தும் ஒரு ஆன்மிக சாதனையாகும். சரஸ்வதி மும்மூர்த்திகளில் முதல்வரான ப்ரம்மாவின் சக்தியும், அனைத்து ஆக்க பூர்வமான செயல்பாடுகளின் மூலமும், வாழ்வாதாரமும் ஆவாள். புத்திக்கு ஒளியூட்ட வேண்டும் என்று ‘’ ஜோதியின் மூலாதாரத்திடம்’’ பிரார்த்திக்கும் இன்றியமையாத வேத மந்திரமான காயத்ரியும் அந்த சக்தியின் ஒரு அம்சமே ஆகும். ப்ரேமை மற்றும் ஜோதியின் திருவுருவத்திற்கு மனிதனது இதயத்தில் இருந்து எழும் ஒரு பிரபஞ்சமயமான, நிரந்தர அறைகூவலே காயத்ரி மந்திரம். அனைத்து தேசங்கள் மற்றும் காலங்களிலும், கல்விக்கான அடிப்படை ஆதாரம் அதுவே.