நாம் கேட்பதெல்லாம், நமக்குக் கிடைப்பதில்லை. என்ன காரணம்? இறைவனுக்கு ஈவு இரக்கமே இல்லையா? குழந்தைக்கு உடம்பு சரியாக இல்லை, ஆனால்,அது பல விதமான இனிப்புப் பண்டங்களைக் கேட்கிறது ; அவற்றைத் தாய் தர மறுக்கிறாள். இதன் பொருள் அவள் அந்தக் குழந்தையை வெறுக்கிறாள் என்பதா? இல்லை அவள் கல் நெஞ்சக்காரியா? அவள் குழந்தை மேல் இருந்த பாசத்தைத் தொலைத்து விட்டாளா? மறுப்பதே பரிவின் ஒரு அடையாளமாகும். ஏனெனில், ஒவ்வொரு மனிதனும் பிறப்பு மற்றும் இறப்பு என மாறி மாறி வரும் நோயால் பாதிக்கப் பட்டிருக்கும் ஒரு ஊனமுற்றவனே. கேட்பதை எல்லாம் அளிப்பது துன்பத்தை நீட்டிக்கவே செய்யும். எனவே தான் நிறுத்தி வைப்பதும், மறுப்பதும் எழுகின்றன. மேலும், நீங்களும் கூட இன்றியமையாதவற்றைக் கேட்பதில்லை! இடைவெளி அறியாத சாந்திக்காக நீங்கள் பிரார்த்திப்பதில்லை. நீங்கள் அவ்வாறு செய்தால், அந்த வரம் அளிக்கப்படும்! இதயத்திலிருந்து அறைகூவல் எழுமானால், இறைவன் உடனே பதில் அளிப்பான். நீங்கள் வாசல் கதவை தட்டுகிறீர்கள் என்பதை நான் அறிவேன். ஆனால், எந்த வாசல் கதவை? உங்கள் இதயம் எனும் வாசல் கதவை மூடி வைத்துக் கொண்டு, அந்த மற்ற வாசல் கதவு திறக்க வேண்டும் என்ற உங்களது ஆரவாரம் எப்படி வெற்றி பெற முடியும்? உங்களது சொந்த இதயத்தின் வாசல் கதவைத் தட்டுங்கள். அதில் குடி இருக்கும் இறைவன் தரிசனம் அளிப்பான்.