நவராத்திரியின் போது, அங்க அர்ப்பண பூஜை (உடல் உறுப்புக்களை இறைவனுக்கு அர்ப்பணிப்பது) என்ற ஒரு விதமான வழிபாடு உள்ளது. இந்தப் பூஜையைச் செய்வதில் ஒரு விதமான சுய ஏமாற்றுதல் இருக்கிறது. எப்போது ஒரு பக்தர் ‘’ நேத்ரம் சமர்ப்பயாமி ‘’(நான் என் கண்களை இறைவனுக்குச் சமர்ப்பிக்கிறேன்) என்று சொல்லி விட்டு, ஒரு மலரை மட்டும் இறைவனுக்கு சமர்ப்பிக்கிறாரோ, ஒருவர் ஏமாற்றுதலில் ஈடுபடுகிறார். சரியான முறை, ஒருவர் மலரை சமர்ப்பிக்கிறேன் என்று சொல்வது தான். ‘’ நேத்ரம் சமர்ப்பயாமி ‘’ போன்ற மந்திரங்கள், ஒருவர் தனது கண்களை இறைவனைக் காண்பதற்காக மட்டுமே பயன்படுத்துகிறார் என்பதைக் குறிப்பதற்காகவே. மந்திரத்தின் உண்மையான முக்கியத்துவம் என்னவென்றால், நீங்கள் எதைப் பார்த்தாலும் செய்தாலும் தெய்வீகத்தைப் பற்றி சிந்திக்கிறீர்கள் என்பதே ஆகும். எனவே, உண்மையான அங்க அர்ப்பண பூஜை என்பது, உங்களது அனைத்து உறுப்புக்களையும் இறைவனது சேவைக்கு அர்ப்பணம் செய்கிறீர்கள் என்று அறிவிப்பதாகும். இதன் பொருள், நீங்கள் எதைச் செய்தாலும், அதை ஒரு இறையார்ப்பணமாகச் செய்ய வேண்டும் என்பதாகும். ஒருவர் தனது சொந்த இயல்பை, அது மனித, மிருக அல்லது அரக்க இயல்பாக இருக்கிறதா என ஆராய்ந்து, மிருக இயல்பை மனித இயல்பாக மாற்றி, இறுதியில் மனித இயல்பை தெய்வீகமாக ஆக்கப் பாடுபடுவதற்கான ஒரு சந்தர்ப்பமாக நவராத்ரி பண்டிகையைப் பயன்படுத்த வேண்டும்.