பத்து நாட்கள் இறைவனைத் தியானித்து, ஒருவரது அனைத்து அசுத்தங்களையும் களைவதன் மூலம், உள்ளுறையும் தெய்வீகத்தை அனுபவிப்பதற்காகவே, நவராத்ரி பண்டிகை அனுசரிக்கப் படுகிறது. பண்டிகையின் இறுதி நாளுக்கு முந்தைய நாள், ஆயுத பூஜைக்கு ( ஆயுதங்களின் ஆராதனை) அர்ப்பணிக்கப் படுகிறது. உள்ளுறையும் தெய்வீக சக்திகளே ஆராதிக்கப்பட வேண்டிய ஆயுதங்கள்.தெய்வத்தை இவ்வாறு வழிபடும்போது, ஒருவர் கண்டிப்பாக ஆன்மிகத்தில் முன்னேறுவார். மாறாக, இறைவனையும் பக்தரையும் ஒருவருக்கொருவர் தனித்தனியாகக் கருதுவதே இப்போது வழக்கமான நடைமுறையாக உள்ளது. இது தவறானது. இறைவன் அங்கிங்கெனாதபடி எங்கும் நிறைந்தவனும், ஒவ்வொருவருள்ளும் மற்றும் ஒவ்வொன்றிலும் உறைபவனும் ஆவான். இந்த ஒருமையினை உணர்ந்து, அனைத்து செயல்களையும், இறைவனுக்கு அர்ப்பணிப்பாக ஆற்ற வேண்டும். இப்படிப் பட்ட ஒரு மனப்பாங்கின் நிலையில் அனுபவிக்க முடிகின்ற ஆனந்தத்தைக் கற்பனை செய்து பாருங்கள்! இந்தப் புனித உணர்வோடு, இந்தப் பண்டிகையைக் கொண்டாடுவது அத்தியாவசியமாகும். நவராத்ரி பண்டிகையின் பத்து நாட்களில் மட்டும் இதைச் செய்வது போதுமானதல்ல. ஒருவரது வாழ்நாள் முழுவதும், இறுதி மூச்சு இருக்கும் வரை, இது ஒரு விதிமுறையாக ஆக வேண்டும்.