உங்களில் பெரும்பாலோர், பகட்டானவற்றையும் மற்றும் குப்பையையும், அற்பமான நிவாரணங்கள் மற்றும் பதவி உயர்வுகளையும், சந்தோஷங்கள் மற்றும் சௌகரியங்களையும், என்னிடமிருந்து பெறுவதற்காக வருகிறீர்கள். உங்களில் வெகு சிலரே நான் உங்களுக்குக் கொடுப்பதற்காக வந்துள்ள மோக்ஷத்தை விரும்புகிறீர்கள். இந்த சிலர் இடையேயும் கூட, ஆன்மிக சாதனையின் பாதையைப் பற்றி ஒழுகி வெற்றி பெறுவோர் ஒரு கைப்பிடியளவே. பலர் புனிதத்தவத்தின் புறத் தோற்றங்களான- நீண்ட அங்கி, தாடி,ஜெப மாலைகள், ஜடா முடி போன்றவற்றால் ஈர்க்கப்படுகிறார்கள். இவ்வாறு இந்த நாட்டில் திரிவோரை கண்டு பிடித்து, அவர்களைப் பின்பற்றி வனாந்தரங்களுக்குச் சென்று விடுகிறார்கள். இறைவனது வெளிப்பாட்டைத் தெளிவாக சுட்டிக் காட்டுவது மிகவும் கடினமே; அதனால் தான் நான் என்னையே அறிவித்துக் கொண்டு, எனது பணி, கடமை, பண்புகள் மற்றும் பிறரிலிருந்து அவதாரத்தைப் பிரித்துக் காட்டும் குணங்கள் ஆகியவற்றை நானே விவரிக்கிறேன். சௌகரியங்கள் அல்லது செல்வங்களுக்காக ஏங்காதீர்கள்; ஆனந்தத்திற்காக ஏங்குங்கள்.