இந்தப் பிரபஞ்சத்தின் ஒவ்வொரு அணுவிலும் பொதிந்திருக்கும் எந்த அந்த ஒன்றை அறிந்து கொண்டு விட்டால், அனைத்தையும் அறிந்து கொள்ளலாமோ, அதன் திறவு கோல்களை ஆன்மிக சாதகர்கள் நாடுகிறார்கள்.அதை அவர்கள், வார்த்தைகளுக்கெல்லாம் அப்பாற்பட்ட,மனித கற்பனை மற்றும் புரிதலுக்கும் அப்பாற்பட்ட ஏதோ ஒன்று என்று வர்ணிக்கிறார்கள். மனிதன், அவனை எளிதாகப் புரிந்து கொண்டு, அவனை அணுகி, அந்தத் தியானத்தின் மூலம் ஆனந்தத்தைப் பெறுவதற்கு ஏற்றவாறு, இறைவனை மனித ரூபத்தில் உருவகப்படுத்துவதே மிகச் சிறந்தது என்பதை அவர்களே ஏற்றுக் கொள்கிறார்கள். அவற்றைப் பன்மடங்கு பெருக்கி, அதனால் கிடைக்கப்படுபவற்றால் அவனது இதயத்தை நிரப்பி வழியச் செய்ய முடியும் என்றாலும் கூட, மனிதனால், மனித குணங்கள் மற்றும் மனித சாதனைகளை மட்டுமே புரிந்து கொள்ள முடியும். காமம் மற்றும் கோபத்தின் இரட்டைக் கதவுகளை நீக்கி, பேராசையின் தாழ்ப்பாளை எடுத்து விட்டால், பின்னர் நீங்கள் மோக்ஷத்தின் (விடுதலை) சன்னிதியில் நுழைய முடியும்! பேராசையே மனிதனை கீழே வீழ்த்த வல்ல கொடூரமான தீமையாகும். பேராசை என்பது புலன்களின் மீது கொள்ளும் பற்றுதல் மற்றும் அவற்றிற்குத் தீனி போடுவதால் எழுகிறது. புலன்களை அவற்றின் சரியான இடத்தில் வையுங்கள்; அவை அறிவின் ஜன்னல்களே அன்றி , அசுத்தமடைவதற்கான வழிகள் அல்ல.