தர்மம், ‘’ சத்யம் வத’’, ‘’ தர்மம் சர’’ அதாவது சத்தியத்தையே பேசு, தர்மத்தின்படி நட, என்று கூறுகிறது. சத்யம் நாஸ்தி பரோ தர்மஹ, அதாவது சத்யம், உண்மையைத் தவிர சிறந்த, சமூகத்தில் நிலைநாட்டும் அம்சமோ, தனி மனிதனது முன்னேற்றத்திற்கான உதவியோ வேறு எதுவும் இல்லை. சத்தியத்தை மறைப்பது அல்லது அதைத் திசை திருப்புவது அல்லது மறுப்பது அல்லது அதன் முகத்தில் கரி பூசுவது என்ற அனைத்தும் கோழைத்தனத்தின் அறிகுறிகள்; சத்தியத்தின் முகத்தை மறைக்க எந்த தைரியமான நபரும் துணிய மாட்டார். மேலும் வேதத்தின் அறிவுரை ‘’ தர்மம் சர ‘’ – தர்மத்தைக் கடைப்பிடி என்பதை நீங்கள் அறிந்திருக்க வேண்டும். அதை நீங்கள் கற்றுக் கொண்டால் மட்டும் போதாது, நீங்கள் அதன் படி நடந்து, சொல், செயல் மற்றும் சிந்தனையின் ஒவ்வொரு தருணத்தையும் தர்மத்தைப் பற்றிய உங்களது விழிப்புணர்வால் நிரப்ப வேண்டும். அப்படிப் பட்ட வாழ்க்கையே, ‘’ சீலம் பரம் பூஷணம் ‘’ நற்குண நலனே மிகவும் விலை உயர்ந்த ஆபரணம் ‘’ என்ற கூற்றில் கூறப்படும் சீலத்தின் (நற்குண நலன்) அடையாளச் சின்னமாகும். விழித்திருக்கும் ஒவ்வொரு தருணத்திலும் நீங்கள் தர்மத்தின் கோட்பாடுகளைக் கடைப்பிடிக்கிறீர்களா அல்லது அதிலிருந்து விலகி நடந்து கொள்கிறீர்களா, என்பதை நீங்கள் சோதித்துப் பார்க்க வேண்டும்.