நீர்நிலை நிரம்பி இருந்தால்,குழாய்களில் தண்ணீர் ஓடி வரும்; இதயம், ப்ரேமை, பரிவு மற்றும் நம்பிக்கையின் நீர்நிலையாக இருக்கும் போது, செயல்கள், சொற்கள் மற்றும் சிந்தனைகள், சாந்தி மற்றும் சந்தோஷத்திற்கு உதவும். அரசியல்வாதிகள் இந்தத் தேவைகளை உணருவதில்லை; அவர்கள் இளம் இதயங்களை, த்வேஷம்,பொறாமை மற்றும் பேராசையால் நிரப்பி, அவர்களை வன்முறை மற்றும் இழிவு படுத்துதலுக்குத் தூண்டி விடுகிறார்கள். அவர்கள், வகுப்பறை, நூலகம் மற்றும் பரிசோதனைக் கூடத்திலிருந்து இவர்களை இழுத்துச் சென்று தெருக்களில் திரிய விட்டு விடுகிறார்கள். அப்பாவிகளைக் காயப்படுத்தவும், சொத்துக்களை சேதப்படுத்தவும், ஆவேசமாக நடந்து கொள்ளவும் அவர்களைத் தூண்டுகிறார்கள். இந்திய கலாச்சாரம், சட்டம் அல்லது சமூக நிலைமைகள் அல்லது மக்களின் அணுகு முறைகளில் மாற்றங்களைச் செய்வதற்கு வன்முறையைப் பயன்படுத்துவதை ஒருபோதும் ஊக்குவிப்பதில்லை. ஆன்மீக ரீதியில் இந்திய சுதந்திரத்திற்கான இயக்கத்தை காந்தி வழி நடத்தினார்; இது தைரியத்தையும் நம்பிக்கையையும் ஈர்த்து, இறைவனது திருநாமஸ்மரணை, தியானம் என்ற இரண்டையும் மக்களுக்குத் தெளிவாக்கியது. அவர் நாட்டின் இதயத்திலிருந்து த்வேஷம் மற்றும் பொறாமை, பயம் மற்றும் சந்தேகம் ஆகியவற்றை நீக்கி பரிசுத்தப்படுத்தினார். அவர் இலட்சியப் பாதையைப் பற்றி ஒழுகினார்; நீங்களும் கூட அவ்வாறே செய்ய வேண்டும்.