மனித உடல் துங்கபத்ரா எனக் குறிப்பிடப் படுகிறது. துங்க என்றால் அளவற்றது என்றும் பத்ரா என்றால் மங்களகரமானது என்றும் பொருளாகும்.இவ்வாறு, இதன் பொருள், உடல் என்பது மங்களகரத்தின் அளவற்ற ஒரு நீர்தேக்கம் போன்றதாகும் என்பதே.உடல் என்று அழைக்கப்படும் இந்த புனிதமான பரிசு சரியாகப் பயன்படுத்தப் படுகிறதா அல்லது தவறாகப் பயன்படுத்தவோ தவறாகக் கையாளப்படவோ செய்கிறதா என்பதை ஒவ்வொருவரும் கவனமாக ஆராய வேண்டும்.ஆழ்ந்த ஆராய்ச்சிக்குப் பிறகு, நாரத முனிவர் தான் மனித உடலுக்கு இந்த துங்கபத்ரா என்ற பெயரைச் சூட்டினார். நாம், மனித உடலின் புனிதத்துவத்தைப் புரிந்து கொள்ள அனைத்து முயற்சிகளையும் செய்து, இதை, சீரிய மற்றும் புனிதமான பணிகளுக்குப் பயன்படுத்தி, அதிலிருந்து ஆனந்தத்தை அடைய வேண்டும். மனித வாழ்க்கையை வெறும் ஒரு உலகியலான, பொருட்களாலான மற்றும் பௌதீக கண்ணோட்டத்தில் மட்டுமே பார்க்கக் கூடாது. ஆழ்ந்த ஆராய்ச்சியின் மூலம், பண்டைய கால முனிவர்கள் மனித வாழ்க்கையின் ஆழமான முக்கியத்துவத்தைக் கண்டறிந்துள்ளார்கள். அவனது உடலைச் சரியாகப் பயன்படுத்தாததாலும், அவனது வாழ்க்கையை எப்படி வாழ வேண்டுமோ,அதாவது மனித குலத்தின் சேவைக்காக, வாழாததாலும், மனிதன் இன்று துன்பத்தை எதிர் கொள்கிறான். சமூகத்தைப் பற்றி அக்கறை கொள்ளும்போது மட்டுமே ஒருவர் இந்த மனித உடல் துங்கபத்ரா என்று ஏன் அழைக்கப் படுகிறது என்பதைப் புரிந்து கொள்ள ஆரம்பிக்கிறார்.