சேவையே, அகந்தையைக் குணப்படுத்துவதற்கான தலை சிறந்த மருந்தாகும்; எனவே, உங்களால் முடிந்த வரை, துன்பத்தையும், துயரத்தையும் துடைப்பதற்கு அதில் ஈடுபடுங்கள்! ஸ்ரீமத் ராமாயணத்தில், ஸ்ரீராமரும், அவரது படையும் கடப்பதற்கான ஒரு பாலத்தை அமைப்பதற்காக, வானரங்கள் பெருத்த பாறைகளைக் கொண்டு வந்து, கடலில் வீசி எறிந்தன.சிறிய அணிலும் கூட, அதனால் முடிந்தவரை உதவி புரிந்தது; அது கடற்கரை மணலில் புரண்டு, பாலம் கட்டுவதற்கான வைக்கப் பட்டிருந்த மணல் குவியலுக்கு ஓடிச் சென்று, ஒரு தீவிர குலுக்கலின் மூலம் அதன் ரோமத்தில் இருந்த மணலை உதறி, மாபெரும் வானரங்களினால் குவிக்கப் பட்டிருந்த மணல் குவியலில் ஒரு சிட்டிகை அளவை மட்டுமே சேர்த்தது. ஸ்ரீராமர் அணிலை கவனித்தார்; அவர் அதன் பக்தியைப் பாராட்டி, அதை அன்புடன் அவரது உள்ளங்கையில் எடுத்து வைத்துக் கொண்டார். பகவான் அதன் முதுகை இதமாகத் தடவி, அதை தனது அருளால் நிரப்பினார். அதுவே போதுமான பரிசாக இருந்தது. அணிலின் இனமே அதன் முதுகில், அந்த நன்றியிணர்வு மற்றும் அருளின் சின்னமாக, மூன்று கோடுகளைப் பெற்றது! உங்களால் முடிந்த வரை பிறரின் துன்பத்தைத் துடைக்க முயலுங்கள்; அதுவே சாதகனுக்கான மிகச் சிறந்த ஆன்மிக சாதனையாகும்!