சிந்தனைகள் உங்கள் மனதில் அலை புரண்டு வரும் போது, இப்படிப் பட்ட சிந்தனைகள் நல்ல சிந்தனைகளா அல்லது கெட்டவையா, அவை உங்கள் தேசத்திற்கு நல்லவையா, உங்களைச் சுற்றியுள்ள சமூகத்திற்கு அவை உதவியாக இருக்குமா அல்லது இல்லையா என ஆராய்வதற்கு, நீங்கள் குறைந்த பட்சம் சில நிமிடங்களையாவது செலவழிக்க வேண்டும். அவை கெட்டவையாக இருக்குமானால், நீங்கள் உடனே அவற்றை தள்ளி வைத்து விட வேண்டும்; அவை நல்லவையாக இருக்குமானால், அவற்றை ஊக்குவிப்பதற்கு நீங்கள் ஒரு முயற்சி செய்ய வேண்டும்.ஒரு முள் செடியைப் பார்க்கும்போது, அது ஒரு முட்செடி என தெரிந்த கணத்திலேயே அது நீக்கப் படுகிறது; ஆனால் ஒரு நல்ல பழச்செடி வளர்ந்து வரும்போது, நாம் அதைப் பேண முயன்று அதன் வளர்ச்சியை ஊக்குவிக்கிறோம். அதே போலவே, உங்கள் இதயம் எனும் நிலத்தில் தீய சிந்தனைகள் துளிர்த்தவுடனேயே, நீங்கள் அவற்றைக் கிள்ளி எறிந்து விட வேண்டும். விதைகள் எவ்வாறு ஒரு பெரிய மரமாக வளருகின்றனவோ, மனிதனும் கூட வளர்ந்து இறுதியாக மாதவனாக ஆக முயல வேண்டும்.