ஐம்பது ஆண்டுகள் ஐந்து நிமிடங்களாக சுருக்கப்பட்டு, வித்தியாசமான சம்பவங்களும் விஷயங்களும் உண்மையில் தற்காலத்தவை போலவும் அனுபவிக்கப் படுபவை போலவும் எடுத்துக் கொள்ளப்படுகின்ற கனவு உலகம், முட்டாள்தனத்தின் ஒரு அருமையான உலகம் என்பதை நீங்கள் அறிவீர்கள். ஆனால், ஆத்ம சாக்ஷாத்காரத்தின் நிலையிலிருந்து பார்த்தால்,கனவுகளை ஆராய்ந்து நீங்கள் அவற்றைச் செல்லாதவை என்று அறிவிக்கும் விழிப்பு நிலையும் கூட, அதே அளவு செல்லாதவையே என நான் உங்களுக்குக் கூறுவேன். எனவே, மதிப்புகளின் ஒரு அளவு கோலாக அல்லாது, மதிப்புகளின் ஒரு உணர்வோடு இருங்கள்; ஒவ்வொன்றிற்கும், ஒவ்வொருவருக்கும் அதன் அல்லது அவர்களின், ஒரு இம்மி அளவு கூட அதிகமாக இல்லாத மதிப்பை அளியுங்கள்.ஐந்து உறைகள் ஆத்மாவைச் சூழ்ந்து கொண்டு, அது தனது காந்தியை வெளியிட முடியாதவாறு மறைத்துக் கொண்டு இருக்கின்றன. இவை அனைத்தையும் பரிசுத்தமானவையாகவும், பிரகாசமானவையாகவும் ஆக்குங்கள். அன்னமய கோசத்தை நல்ல, அழுக்கற்ற, தூய உணவால் பரிசுத்தமாக்க வேண்டும்; ப்ராணமய கோசத்தை அமைதியான, நிலையான சுவாசம் மற்றும் ஒரு சமச்சீரான மனப்பாங்காலும்,மனோமய கோசத்தை, புலன்களின் பால் கொள்ளும் பற்றுதலினால் தீண்டப்படாத மற்றும் சுகம் அல்லது துக்கத்தினால் பாதிக்கப்படாத புனிதமான சிந்தனைகள் மற்றும் உணர்வுகளாலும், விஞ்ஞானமய கோசத்தை உண்மை நிலையின் மீதான தியானத்தினாலும், ஆனந்த மய கோசத்தை இறைவனை உணர்வதின் களிப்பில் மூழ்கி இருப்பதினாலும், பரிசுத்தப்படுத்த வேண்டும்.