உலகமே சாய் மயமாக ஆகிக் கொண்டு இருக்கிறது, சாயின் நாமம் ஒவ்வொருவரின் உதடுகளிலும் இருக்கிறது என்று (முன்னால் பேசிய ஒரு பக்தரால்) கூறப்பட்டது. நான் அதை விட ஆழமாகச் செல்ல வேண்டும் என விரும்புகிறேன். அது ‘’ சாயின்’’ நாமமாக இருக்க வேண்டும் என நான் வலியுறுத்தவில்லை. மக்களின் உதடுகளிலும் மனக்கண்கள் முன்னும் பரமாத்மாவின் எவ்வளவு எண்ணிக்கையிலான நாமங்களும் ரூபங்களும் இருந்தாலும் கூட,உலகமே பரமாத்ம மயமாக ஆக வேண்டும் ( பரமாத்மாவில் தோய்ந்து இருக்க வேண்டும்) அவ்வளவு தான். ஒரே பொருள் தான் பல வார்ப்புக்களில் ஊற்றப்பட்டுள்ளது. குழந்தைகள் நாடும், பூனைகள் மற்றும் நாய்கள், பசுக்கள் மற்றும் குதிரைகள் உருவத்தில் உள்ள சர்க்கரை பொம்மைகளைப் போல, அவை அனைத்தும் அதே இனிமையால் ஆனவையே; இந்தக் குழந்தை இந்த ரூபத்தையும் இந்த நாமத்தையும் விரும்புகிறது; மற்றொன்றோ வேறு ஒரு பொம்மைக்காக அழுகிறது. அதே தெய்வீகப் பொருளே, வெவ்வேறு காலங்களிலும், இடங்களிலும், வெவ்வேறு நாமங்களை ஏற்று தோன்றுகிறது. தீய மற்றும் த்வேஷத்தின் படைகள் அவர்களை ஆக்ரமிக்கும் போது, நல்லவர்கள் இறைவனை அவர்களது சாரதியாக ஏற்றுக் கொள்ளுகின்றனர்; அவன் எதிரிகளை அவர்கள் வெல்லுமாறு செய்கிறான்.