எல்லா துக்கங்களுக்கும் சரியான காரணம் என்ன?துக்கத்தையும், அதன் உடன் முன்னோடிகளான விருப்பு, வெறுப்புக்களையும் உருவாக்கும் உடல் பற்றுதலே . சில பொருட்களையும், சூழ்நிலைகளையும் பயனுள்ளவை எனவும், வேறு சில பொருட்களையும், சூழ்நிலைகளையும் அப்படி அல்ல என்றும் புத்தி கருதுவதன் விளைவுகளே இந்த இரண்டும். பயனுள்ளவை மற்றும் தீயவை என்ற இந்த கருத்து ஒரு மாயையே. இருந்தாலும், நீங்கள் பயனுள்ளவை என்று கருதுபவைகளின் மீது பற்றுதல் வைக்கிறீர்கள்; மற்றவற்றை நீங்கள் வெறுக்கத் தொடங்குகிறீர்கள். ஆனால், மிக உயர்ந்த கண்ணோட்டத்திலிருந்து, இந்த இரண்டுமே இல்லை; இந்த வித்தியாசம் அர்த்தமற்றது. இரண்டு என்று எதுவுமே இல்லை, அப்படி இருக்கும் போது நல்லது மற்றும் கெட்டது என்று எப்படி இருக்க முடியும்? ஒன்றே ஒன்றுதான் இருக்கிறது எனும் போது, அங்கு இரண்டைக் காண்பது அறியாமை அல்லது மாயையே.’’ அது (தத்)’’ மற்றும் நீங்கள் (த்வம்) என்பதன் ஒற்றுமையைப் பற்றிய அறிவு இல்லாமையே, எல்லா அறியாமைக்கும் காரணம்- ‘’ தத்துவம் ‘’ என்று பொருள் படும் தத்வ என்ற வார்த்தை, இந்த தலை சிறந்த சித்தாந்தக் கோட்பாட்டை உள்ளடக்கியது. இந்த சத்தியத்தை ஒருவர் கற்றுக் கொள்ளவில்லை என்றால், ஒருவர் துக்கம் எனும் கடலில் உழலத்தான் வேண்டும்.ஆனால், அது கற்றுக் கொள்ளப் பட்டு, அந்த விழிப்புணர்வில் ஒருவர் வாழ்ந்தால், பின்னர் ஒருவர் துக்கத்திலிருந்து விடுபட்டு இருக்கலாம்.