மனம் ஆசைகளின் குறுக்கு நெடுக்காகச் செல்லும் இழைகளால் ஆக்கப் பட்டது. எனவே,முதன் முதலில் வெல்லப்பட வேண்டியது ஆசை எனும் அசுரனையே. இதற்காக, ஒரு மிகப் பெரிய போரை நிகழ்த்த அவசியமில்லை.இனிமையான வார்த்தைகளைப் பயன்படுத்தி ஆசையை மறைந்து விடுமாறு சம்மதிக்க வைக்கச் செய்வதும் கூட அவசியமில்லை. ஒருவருக்கு பயந்தோ அல்லது மற்றொன்றுக்கு ஆதரவாகவோ ஆசைகள் மறைந்து விடாது. ஆசைகள் பாரபட்சமற்றவை; அவைகள் ‘’ காணப்பட்டவையின்’’ வகையைச் சேர்ந்தவை. ‘’ நான் காண்பவனே அன்றி காணப்பட்டவன் அல்ல’’ என்ற நம்பிக்கையுடன், நிலையான மனம் கொண்ட ஒருவர் தன்னையே பற்றுதலிலிருந்து விடுவித்துக் கொள்கிறார். இந்த முறையின் மூலம் ஆசை வெல்லப்படுகிறது. நீங்கள் மனதின் இயக்கத்தை வெளியிலிருந்து கண்காணிக்க வேண்டும்; அதில் ஈடுபட்டு விடக் கூடாது. இந்தச் சாதனையின் பொருள் அதுவே. மனதின் அம்சம் வலுவான மின்சாரத்தின் மின்னோட்டம் போன்றது. அதை ஒரு தூரத்தில் இருந்து தான் கண்காணிக்க வேண்டும்; அதனுடன் தொட்ரபு கொள்ளவோ அல்லது அதைத் தொடவோ கூடாது.மின்சாரத்தைத் தொடுங்கள்; நீங்கள் பொசுங்கி சாம்பலாகி விடுவீர்கள். அதைப் போலவே, தொடர்பும், பற்றுதலும் உங்களை அழிப்பதற்கு மனதிற்கு வாய்ப்பை அளித்து விடுகிறது. அதிலிருந்து எவ்வளவு தொலைவில் இருக்கிறீர்களோ, அவ்வளவு நல்லது. திறமையான முறைகள் மூலம், நீங்கள் அதை உங்கள் சொந்த நலனுக்காக சிறந்த முறையில் பயன்படுத்த வேண்டும்.