பணத்தால் மருந்துகளை வாங்கமுடியும்; ஆனால், மன அமைதியும், திருப்தியும் மட்டுமே ஆரோக்யத்தை உறுதி செய்ய முடியும். மருத்துவ நிபுணர்களை பணியமர்த்தலாம், ஆனால் குத்தகைக்கு உயிருடன் இருக்க முடியாது.இறைவன் சாதுக்களைக் காப்பதற்காக அவதாரம் எடுக்கிறான் என்று கூறப்படுகிறது. சாதுக்கள் என்றால், இமயமலையின் ஆசிரமங்களில் வசிப்பவர்கள் என்று பொருளல்ல; உங்களையே மரியாதைக்கு உரியவர்களாக மதிக்கும்படி ஏமாற்றுவதற்காக அணியப்படும் ஒரு முகமூடியே அன்றி வேறில்லை எனும் வெளித் தோற்றத்தைக் கொண்டு, உங்கள் ஒவ்வொருவருள்ளும் உள்ள உண்மை நிலையான நல்லொழுக்கமுள்ள மனிதரே அவர்கள். ப்ரேமஸ்வரூபர், சாந்தி ஸ்வரூபவர் மற்றும் அம்ருதஸ்வரூபரான (ஆனந்தம், சாந்தி மற்றும் அமரத்துவத்தின் திருவுருவங்கள்) ஒவ்வொருவரும் ஒரு சாதுவே. அகந்தையின் மேல் ஓட்டை தடியாகவும் வேகமாகவும் வளர அனுமதித்ததன் மூலம், உண்மை நிலை களங்கமடைந்துள்ளது. ஸத்ஸங்கத்தின் (இறைச்சிந்தனை கொண்ட மனிதர்களின் நட்பு வட்டம்) செயல்பாட்டினாலும்,சுயக்கட்டுப்பாடு மற்றும் சுய முன்னேற்றத்தின் மீது முறையான கவனத்தினாலும், உடல் மற்றும் அதனது தேவைகள் மற்றும் ஏக்கங்களோடு தன்னை இனம் கண்டு கொள்ளும் மாயையை, ஒருவர் வெல்ல முடியும்.