விநாயகரின் மற்றொரு பெயர் ‘’ விக்னேஸ்வரா ‘’ என்பதாகும். ஈஸ்வரா என்பவர் கற்பனை செய்து பார்க்கக் கூடிய அனைத்து விதமான செல்வங்களையும் - செல்வம், அறிவு, ஆரோக்யம், பேரின்பம், அழகு போன்ற அனைத்தையும் உடையவர்.விக்னேஸ்வரர் இந்த அனைத்து விதமான செல்வங்களையும் வளர்த்து, அவற்றை அனுபவிப்பதில் உள்ள அனைத்து தடைகளையும் நீக்குபவர். அவரை ஆராதிப்பவருக்கு இந்த அனைத்து விதமான செல்வங்களையும் அளிப்பவர்.விநாயகர், ‘’ பிரதம வந்தனா ‘’( முதன் முதலில் வழிபட வேண்டிய தெய்வம்) என்றும் வர்ணிக்கப்படுகிறார்.உலகில் ஒவ்வொருவரும் செல்வம் மற்றும் வளமையை விரும்புவதால், ஒவ்வொருவரும் வழிபாட்டில் முதல் இடத்தை விக்னேஸ்வரருக்கு அளிக்கின்றனர். தெய்வ சம்பந்தப்பட்டவற்றின் உள் அர்த்தங்களைப் புரிந்து கொண்டால் மட்டும் தான் தெய்வ வழிபாட்டை அர்த்தமுள்ள வகையில் ஆற்ற முடியும்.துரதிருஷ்ட வசமாக ஆன்மிக நூல்களின் மேலோட்டமான மற்றும் உலகியலான அர்த்தங்கள் மட்டுமே இன்று எடுத்துக் கூறப்படுவதால், மக்களின் பக்தி தொடர்ந்து வலுவிழந்து கொண்டு வருகிறது. வேதாந்த நூல்களின் உள் அர்த்தத்தை ஒவ்வொருவரும் புரிந்து கொள்வது அத்தியாவசியமாகும்.