நிலம் நனைந்திருப்பதே மழை பொழிந்ததற்கு அத்தாட்சியாகும்; வெற்றி, மற்றும் தோல்வி, புகழ், அவமானம், லாபம், நஷ்டம் ஆகியவற்றின் தாக்குதல்களின் போது அவர்களைக் காக்கும் சாந்தியைக் கொண்டிருப்பதே பக்தனின் பக்திக்கான அத்தாட்சியாகும். ஆன்மிக ஞானம் என்பது ஒரு இடத்திலிருந்து மற்றொரு இடத்திற்கு நேராகச் செல்லும் ரயில் போன்றது; அதில் நீங்கள் ஏறி அமர்ந்தாலே போதும். அது உங்களை நேராக சேர வேண்டிய இடத்திற்கு இட்டுச் சென்று விடும். பக்தி என்பது நேராகச் செல்லும் பயணப் பெட்டி போன்றது. அதை ஒரு ரயிலிருந்து கழட்டி பின் வேறு ஒரு ரயிலோடு இணைத்தாலும், அதில் ஏறி விட்டால் நீங்கள் கவலைப் பட வேண்டியதில்லை; அதில் நீங்கள் உங்கள் இடத்திலேயே விடாமல் அமர்ந்திருந்திருக்கும் வரை, அது உங்களைச் சேர வேண்டிய இடத்திற்குக் கொண்டு சேர்த்தே ஆக வேண்டும். கர்மா என்பது ஒரு சாதாரண ரயில் போன்றது. நீங்கள் அதில் ஏறினால், அதிலிருந்து இறங்க வேண்டி வரும்; ஒவ்வொரு ஜங்ஷனிலும் நீங்கள் ஏறி ஏறி இறங்கி, உங்கள் சுமையை ஏற்றுவது மற்றும் இறக்குவது போன்ற மிகுந்த வேலைகளை, நீங்கள் சேர வேண்டிய இடத்தை அடைவதற்கு முன் செய்ய வேண்டி வரும். ஆன்மிக ஞானத்தைப் பெறுவதற்கு பக்தி ஒன்றே கூடப் போதுமானது. அது, அனைவரிலும் பரப்பிரம்மத்தைக் காண்பதில் முடிகிறது; அது அஹங்காரத்தை அழிக்கிறது. ஞானமும் உங்களுக்கு இவற்றை அளிக்கிறது.