படைப்பில் ஆண்பாலாக (புருஷா) இருப்பது ஒன்றே ஒன்று தான்; பிற அனைத்தும் பெண்பாலரே (ஸ்த்ரீ). முட்டாள் என்றும் கூட எவரும் இல்லை; அதுவும் கூட ஆன்மிக ஞானத்தின் திருவுருவமான பரமாத்மாவின் அந்தக் குறிப்பிட்ட வெளிப்பாடு ஏற்று நடிக்கும் ஒரு பாத்திரமே. இதை நினைவில் கொண்டு, இறைவனை நோக்கிய உங்கள் பயணத்தை தாமதிக்காதீர்கள். நீங்கள் செல்ல வேண்டிய பயணத்திற்காக உங்களது காரில் பெட்ரோல் டாங்கில் எரிபொருளை நிரப்பிக் கொள்கிறீர்கள் அல்லவா? நீங்கள் உங்கள் காரை கேரேஜில் நிறுத்தி வைப்பதாக இருந்தால், தினமும் சென்று பெட்ரோலை நிரப்புவீர்களா? அதைப் போல, உங்கள் உடலுக்கும் பயணத்தை மேற்கொள்வதற்காக எரிபொருள் ஊட்டப் படுகிறது; அதாவது இறைவனை நோக்கிய அகப் பயணத்திற்காக. அந்தப் பயணம் விளைவுகளை இறைவனுக்கே அர்ப்பணிக்கும் பரிசுத்தமான செயல்பாடுகளைக் கொண்ட நற்கர்மாவின் (நிஷ்காம கர்மா) மூலமே. கவனமாக பகுத்தாராய்ந்து, உடலின் முயற்சிகள் அதனுள் சிறைப்பட்டிருக்கும் ஆத்மாவை விடுதலை பெறச் செய்வதற்காகவே என்ற குறிக்கோளுடன், உடல் சம்பந்தப் பட்ட கடமைகளை ஆற்றுங்கள்! வானத்திலிருந்து விழும் அனைத்து மழைத் துளிகளும், கடலைச் சென்று அடைவதில்லை என்பதை நினைவில் கொள்ளுங்கள். ஒரு பெருக்கெடுத்து ஓடும் நதியில் கலந்து ஓடும் நீர்த்துளிகள் மட்டுமே குறிக்கோளைச் சென்று அடைகின்றன; ஏனெனில் அனைத்து நீர்த்துளிகளும் கடலிலிருந்தே வந்திருந்தாலும் கூட, வெகு சில துளிகளே தனது மூலாதாரத்தை சென்றடைய ஏங்குகின்றன!