இறைவன் உங்களுக்குத் தனது அனைத்து செல்வங்களையும், தெய்வீக சக்திகளையும் அளித்துள்ளான். நீங்கள் இந்தச் செல்வத்தின் வாரிசுகள். இந்த செல்வம் என்ன என்பதை நீங்கள் கண்டு பிடிக்க வேண்டும். சாயியின் செல்வம் பரிசுத்தமான, தன்னலமற்ற, கரைகாணமுடியாத ப்ரேமையே. இதுவே சத்தியம். நீங்கள் இங்கே காணும் மாளிகைகள் அல்ல சாயின் செல்வம். அது, பரிசுத்தமான, தன்னலமற்ற ப்ரேமை மட்டுமே. இந்த ப்ரேமையை நீங்கள் மரபுரிமையாகப் பெற வேண்டும், உங்களை அதனால் நிரப்பிக் கொண்டு, அதனை உலகிற்கு வழங்க வேண்டும். இது சாய் பக்தர்களாகிய உங்களின் தலையாய பொறுப்பாகும். ஸர்வசக்தி படைத்த, அங்கிங்கெனாபடி எங்கும் நிறைந்த, அனைத்தும் அறிந்த இறைவனுக்கு, நீங்கள் எதை அளிக்க முடியும்? நீங்கள் இறைவனுக்கு அர்ப்பணிக்கும் பல பொருட்கள் மாயையின் காரணமாக வழங்கப் படுபவை. தெய்வீகத் திருவுருவங்களே! இறைவனை உணருவதற்கு ப்ரேமையே எளிதான பாதையாகும். நீங்கள் எவ்வாறு சந்திரனை, நிலவொளியைக் கொண்டு மட்டுமே காண முடிகிறதோ, ப்ரேமையின் திருவருவமான இறைவனை, ப்ரேமையின் மூலமே அடைய முடியும். ப்ரேமையை உங்களது உயிர் மூச்சாகக் கருதுங்கள். படைப்பின் செயல்பாட்டில் முதலில் தோன்றிய குணம் ப்ரேமையே. மற்ற குணங்கள் எல்லாம் அதன் பிறகு வந்தவையே. எனவே, உங்கள் இதயங்களில் ப்ரேமையை நிரப்பிக் கொண்டு, உங்கள் வாழ்க்கையை அதன் அடிப்படையில் அமைத்துக் கொள்ளுங்கள்!