அசாந்தி (அமைதியின்மை) ஏன் உலகத்தை அச்சுறுத்திக் கொண்டு இருக்கிறது? ராக, த்வேஷ மற்றும் மோஹத்தினால் (விருப்பு,வெறுப்பு மற்றும் மோகம்) தான். அறியாமையால் தோன்றிய இவை மாயையை ஏற்படுத்துகின்றன. இருட்டில் காணப்படும் பொருட்கள் தெளிவாக இருப்பதில்லை; அவை வேறு ஏதோ ஒன்று எனத் தவறாக எடுத்துக் கொள்ளப் படுகின்றன.ஒரு கயிறு, ஒரு பாம்பு எனத் தவறாக எடுத்துக் கொள்ளப் படுகிறது; ஒரு மரக்குச்சி, ஒரு திருடன் எனத் தவறாகக் கருதப்படுகிறது.ஒரு கண்ணாடித் துண்டு ஒரு வைரம் எனக் கவர்ந்து கொள்ளப் படக்கூடும். எனவே, இந்தத் தவறான கருத்து, இந்த தெளிவற்ற வெளிச்சம், போயே ஆக வேண்டும். சத்தியத்தைக் கண்டு பிடிக்கும் முறைகளைக் கற்றுக் கொண்டால் மட்டும் தான் இது போக முடியும். அதைத்தான் சாஸ்திரங்கள் (வேதங்கள்) கற்பிக்கின்றன, உங்களுக்கு இதை அறிவுறுத்தவே பண்டிதர்கள் (கற்ற அறிஞர்கள்) நியமிக்கப்படுகிறார்கள். புற உலகை நாடும் புலன்களை, அகத்தை நோக்கித் திருப்ப வேண்டும் என்றும், தூண்டுதல்கள், உள்ளுணர்வுகள், பழக்கவழக்கங்கள், தப்பெண்ணங்கள், மனப்பாங்குகள் ஆகியவற்றின் அகமண்டலம், இறைவன் தெளிவாகவும் பிரகாசமாகவும் பிரதிபலிக்கப்படுவதற்கு முன்பு சுத்தப் படுத்தப் பட வேண்டும் என்றும் அவர்கள் உங்களுக்குக் கூறுவார்கள்.