இதற்கு மேல் உங்களால் சுழல முடியாது எனும் வரைப் பம்பரத்தைப் போலச் சுழன்று விட்டுப் பின் ஆதரவின்றி, பொத்தென்று விழுவது, சாரமற்ற, அழிவில் முடியும் வாழ்க்கையாகும். பம்பரத்திற்குத் தன் மீதே நம்பிக்கை கிடையாது, அதை வேறு ஒருவரைக் கொண்டு சுழற்ற விட்டுக் கையாள வேண்டி உள்ளது. தன்னம்பிக்கை கொண்டவர்களாக, அதாவது, உங்களது ஆத்மா மீது நம்பிக்கை கொண்டவர்களாக இருங்கள். ஏனெனில் ஆத்மா தெய்வீகமானது; பராமாத்மா என்ற சாகரத்தின் ஒரு அலையே அன்றி வேறில்லை எனும் ஆத்மா, அனைத்து சக்தியும், அனைத்து இனிமையும் கொண்டதாகும். சாந்தி மற்றும் சந்தோஷத்தை உறுதி செய்வதற்காக, அதிகாரிகள், ஐந்து ஆண்டுத் திட்டங்களைத் தீட்டி, பாலங்கள், அணைகள், தொழிற்சாலைகள் மற்றும் பள்ளிகளைக் கட்டுகிறார்கள். ஆத்மாவைத் தூய்மைப்படுத்துவது, பற்றின்மையை வலிமையாக்குவது, கருணை மற்றும் உறவுகளை மேம்படுத்துவது ஆகியவை இன்றி, பொருளாதார முன்னேற்றம் என்பது த்வேஷம், பாகுபாடு மற்றும் பொறாமை ஆகியவற்றை மட்டுமே வளர்க்கும். தன்னம்பிக்கை, சுயக்கட்டுப்பாடு மற்றும் ஆத்ம ஞானம் ஆகியவை மட்டுமே மனிதனை சாந்தி மற்றும் சந்தோஷங்களுக்கு இட்டுச் செல்ல வல்லவை.