உங்களை விடச் சிறப்பாகச் செயல்படுபவரை பின்பற்றி அதே அளவு பாராட்டைப் பெறுவது எனத் தீர்மானம் எடுத்துக் கொள்ளுங்கள். அறிவு,ஞானம் மற்றும் வெற்றியை தார்மீகமாகப் பெறுவதற்குப் பாடுபடுங்கள். அதுதான் உண்மையான லட்சியம். அதற்கு பதிலாக, வெற்றிகரமான மற்றவர்களின் வீழ்ச்சியை நீங்கள் விரும்பினால், அந்த நோக்கம் உங்கள் மிருகத்தனமான தன்மையை வெளிப்படுத்துகிறது. அது உங்களைக் கண்டிப்பாக அழிவிற்கு இட்டுச் சென்று விடும். தன்னையே புகழ்ந்து கொண்டு பிறரைக் கண்டனம் செய்வது என்பதும் கூட, பொறாமையைப் போலவே அபாயகரமானதாகும். தனது அற்பத்தனத்தையும், தீய குணத்தையும் மறைக்க முயலுவது, நல்லவனைப் போன்ற முகமூடியை அணிந்து கொள்வது, தனது தவறுகளை நியாயப் படுத்தி, தனது சாதனைகளை மிகைப் படுத்துவது- இவைகளும் கூட கண்டிப்பாக நச்சுத்தன்மைகளே. மற்றவர்களின் நல்லவற்றை உதாசீனப்படுத்தி, தீவிரமாக அவர்களின் குறைகளை மட்டுமே நாடும் பழக்கமும் அதே அளவு நச்சுத் தன்மையானதே. எவரையும் இழிவு படுத்தும் வார்த்தைகளை, ஒருபோதும் பேசாதீர்கள். நாம் எவருடனாவது நட்புடன் இருந்து, அவர்களை விரும்பும் போது, அவர்கள் எது செய்தாலும் அவை நமக்கு கண்டிப்பாக நல்லதாகவே படும். காற்று திசை மாறி, அதே மனிதர் வெறுக்கப் படும்போது, அவர்கள் செய்யும் நல்லவை கூட நமக்குத் தவறானதாகவே தோன்றும். இந்த இரண்டு எதிர்வினைகளும் பாராட்டத்தக்கவை அல்ல!