சமுத்ர மந்தனா (பாற்கடலைக் கடைவது), உங்களுக்கு மிகவும் மதிப்பு வாய்ந்ததாகும்; ஏனெனில் நீங்களும் கூட உங்கள் இதயம் எனும் சமுத்திரத்தைக் கடைந்து, நீங்களே நிரந்தரமான அமிர்தத்தைப் பெற வேண்டும்.சத்வ குணத்தினால் ( பரிசுத்தம் மற்றும் சமநிலை ) நிறைந்த உங்கள் இதயமே பாற்கடலாகும். உங்களது சொந்த உண்மை நிலையாகவோ அல்லது நீங்கள் அடைய வேண்டிய இலட்சியமாகவோ உள்ள நிலையான இறைத் தியானமே, அதில் மத்தாக வைக்கப் பட்டிருக்கும் மந்திர மலையாகும். அந்த மத்தைச் சுற்றிக் கட்டப்படிருக்கும் ஒரு கயிறான உங்களது அனைத்து புலன்களின் கூட்டுச் சேர்க்கையே வாசுகி எனும் பாம்பாகும்,. அந்தக் கயிறு (உங்களது புலன்கள்), நல்ல மற்றும் தீய உந்துதல்களால் பிடிக்கப் பட்டு, இரண்டுமே அந்தக் கடையும் முறையில் போராடுகின்றன; இரண்டுமே, அவைகள் ஒவ்வொன்றும் எதிர் பார்க்கும் விளைவுகளுக்காக ஆவலாக உள்ளன. புத்திசாலியானவர்கள், நிலையான உற்சாகம் மற்றும் ஆர்வத்துடன், பொறுமையாக, அமரரான இறைவன் தோன்றுவதற்காகக் காத்திருக்கின்றனர். நீங்கள் சிரத்தையாக அமரத்துவத்தின் இரகசியத்தை நாடுகிறீர்கள் என்று ஒரு முறை தெரிந்தவுடன், தானே உங்களைக் காக்க வரும் இறைவனே, இறை அருள் எனும் கூர்மாவதாரம் (ஆமை வடிவில்) ஆகும். இறைவன் ஆமையைப் போல, கண்களுக்குப் புலப்படாமலும், சப்தமின்றியும் வந்து, மனன (தியானம்) முறையை தடையின்றி இருக்குமாறு பிடித்துக் கொண்டு, அனைத்து ஆன்மிக சாதனைகளின் நிலையான அஸ்திவாரமாகச் செயல்படுகிறான்.