உங்களது பிரார்த்தனைகள் இறைவனை அடைய வேண்டும் என்றால்,அதில் ‘’ நம்பிக்கை ‘’ என்ற தபால் தலையை ஒட்டி, ‘’ ப்ரேமையுடன்’’ விலாசம் எழுதுங்கள். நம்பிக்கை மட்டும் ப்ரேமையுடன், உங்களது பிரார்த்தனைகள், எவ்வளவு தொலைவானாலும் இறைவனைச் சென்று அடையும். மேலும் இறைவன் மீதான உங்கள் ப்ரேமை பரிசுத்தமானதாகவும், களங்கமற்றதாகவும் இருக்க வேண்டும். இறைவனது சோதனைகளை எதிர்கொள்ள, உங்களையே நீங்கள் தயார் படுத்திக் கொள்ளுங்கள். வாழ்க்கையில் எந்த அளவு நிலையற்ற உலகியலான கவர்ச்சிகளில் நீங்கள் பற்று வைத்துள்ளீர்கள், எந்த அளவு நீங்கள் இறைவனுக்காக ஏங்குகிறீர்கள் என்பதில், நீங்கள் அனைவருமே பரிசோதிக்கப் படுகிறீர்கள். எவ்வளவு சீக்கிரமாக நீங்கள் இந்தச் சோதனைகளில் தேர்ச்சி பெறுகிறீர்களோ, அந்த அளவு நீங்கள் இறைவனின் அருகாமையை பெறுகிறீர்கள். இறைவனது சோதனைகளில் தேர்ச்சி பெறாமல், எந்த விதமான ஆன்மிக முன்னேற்றமும் இருக்க முடியாது. இறைவன் மீதான உங்கள் ப்ரேமை, உலகியலான பரிசுகளில் நீங்கள் வைத்துள்ள ப்ரேமையின் ஒரு இம்மி அளவே என்றால், இறைவன் உங்கள் மீது தனது அருளைப் பொழிவான் என்று எப்படி எதிர்பார்க்கிறீர்கள்? தாற்காலிகமான மற்றும் மறையக் கூடியவற்றின் மீதான உங்கள் நம்பிக்கையை விலக்கி, அதை மாறாத நிரந்தரமான சத்தியத்தை நோக்கிச் செலுத்துங்கள். உலகியலான பற்றுதல்களைப் பற்றி சிந்திப்பதில் நீங்கள் வீணடிக்கும் பல மணி நேரங்களில், நீங்கள் சில தருணங்களிலாவது இறைவனைப் பற்றிச் சிந்திப்பீர்கள் என்றால், அது எவ்வளவு அதிகம் பலன் தருவதாக இருக்கும் ?