அன்புக்காகவே, அன்பைக் காட்டுங்கள்; உலகியலான பொருட்கள் அல்லது உலகியலான ஆசைகளைப் பூர்த்தி செய்வதற்காக அதை வெளிப்படுத்தாதீர்கள். ஆசை, கோபத்தை உண்டாக்குகிறது; கோபம் பாவத்தைத் தூண்டுகிறது; அதனது பாதிப்பால், நண்பர்களே, எதிரிகளாகத் தோன்றுகிறார்கள். ஒவ்வொரு விதமான பேராபத்திற்கும் அடிப்படை கோபமே. எனவே, அதற்கு இரையாகி விடாதீர்கள்.அவர்கள் யாராக இருந்தாலும், ஒவ்வொருவரையும், அனைத்தையும் அரவணைக்கும் அன்பின் பரிவோடு நடத்துங்கள். இந்த ஆக்க பூர்வமான பச்சாதாபம், அனைத்து மனிதகுலத்தின் தன்னிச்சையான எதிர்வினையாக ஆக வேண்டும். நீங்கள் உள்வாங்கும் போதும், வெளி விடும் போதும், உங்களது ஒவ்வொரு மூச்சையும் அன்பால் நிரம்பி இருக்குமாறு செய்யுங்கள். ஒவ்வொரு தருணத்தையும் அன்பில் தோய்த்திருங்கள். அன்பு, அச்சம் அறியாதது. அன்பு, பொய்மையை வெறுத்து ஒதுக்குகிறது. அச்சம், மனிதனை , பொய்மை,அநீதி மற்றும் தவறுக்கு இழுத்துச் செல்கிறது. அன்பு, புகழ்ச்சிக்காக ஏங்குவதில்லை; அதுவே அதன் வலிமையாகும். தங்களுள் அன்பு அற்றவர்களே, வெகுமதியையும், புகழையும் நாடுவார்கள். அன்பின் வெகுமதி, அன்பே.தன்னலமற்ற அன்பு, மிக உயர்ந்த கடமையும், உன்னதமான இறைத்தன்மையும் ஆகும்.