உங்கள் நேரம், சில செய்திகளை சேகரிப்பதற்கும், நீங்கள் வாழ்வதற்குத் தேவையான வருமானத்தை ஈட்டுவதற்கான சில திறன்களைப் பெறுவதற்காகவும் மட்டுமே செலவிடப் படாமல், சாந்தமாக, நிதானமாக மற்றும் தைரியமாக இருக்கும் கலையைப் பெறுவதற்காகவும் கூட அது பயன்படுத்த வேண்டும். இந்த உலகம் மற்றும் உங்களது சொந்த ஆத்மாவைப் பற்றிய உண்மையைத் தெரிந்து கொள்வதற்கான தீராத வேட்கையையும் கூட நீங்கள் வளர்த்துக் கொள்ள வேண்டும். உங்கள் வார்த்தைகள் தேனாக இருக்கட்டும்; உங்கள் இதயங்கள், வெண்ணெயைப் போல மிருதுவாக இருக்கட்டும்! உங்களது கண்ணோட்டம், குழப்பத்தை ஏற்படுத்தாது, விளக்கைப் போல பிரகாசமளிப்பதாக இருக்க வேண்டும். கால் பந்து மைதானத்தில், விளையாட்டை, வரையறுக்கப் பட்ட விதிகளின் படி ஆராய்ந்து, ஒரு குழுவோ அல்லது மற்றதன் வெற்றி அல்லது தோல்வியைப் பற்றிப் பாதிக்கப் படாமல் இருக்கும், நடுவரைப் போல இருங்கள்! நீங்கள் அனைவருமே, கர்ம பூமியிலிருந்து (கர்ம க்ஷேத்ர), தர்ம பூமியின் (தர்ம க்ஷேத்ர) இலக்கை நோக்கிச் சென்று கொண்டு இருக்கும் தீர்த்த யாத்திரீகர்கள் என்பதை நினைவில் கொள்ளுங்கள். பணிவாகவும், தூண்டுதலை எதிர்க்கும் வலிமையையும் கொண்டவர்களாக இருங்கள். புலன்களின் நயவஞ்சகங்களுக்குக் கோழைகளைப் போல அடி பணிந்து விடாதீர்கள்.