ஒரு ஆணுக்கோ அல்லது ஒரு பெண்ணுக்கோ, தங்களுக்குச் சிறந்தது எது என்பதையும், தங்களுக்கும், பிறருக்கும் தீங்கு விளைவிக்காத வண்ணம், தங்களது எதிர்காலத்தை தாங்களே வடிவமைத்துக் கொள்ள முடியும் என்பதையும், அவர்களது வழியில் உள்ள ஆபத்துக்களை அவர்கள் அறிவார்கள் என்பதையும், நிரூபிக்க பல ஜன்மங்கள் பிடிக்கலாம். எனவே, கருணை நிரம்பியவர்களாகவும், அந்தக் கருணையினால் உந்தப்பட்டு, மோக்ஷத்திற்கான பாதையை வெளிச்சம் போட்டுக் காட்டும் முனிவர்களின் அனுபவத்தை நம்புவதே மிகச் சிறந்ததாகும். இந்த அனுபவம்,வேதங்களில் பொறிக்கப் பட்டுள்ளது.வேதங்களில் கொள்ளும் நம்பிக்கை, இதயம் எனும் நிலத்திற்கு நீர் பாய்ச்சி, பிரபஞ்சமயமான ப்ரேமை எனும் அறுவடையைத் தர வைக்கிறது. சாஸ்திரங்கள், தவறான செயல்களைப் பற்றி உங்களை எச்சரிக்கின்றன; மன அழுத்த நேரங்களில் ஆறுதல் அளிக்கின்றன; துயரப்படும் போது, உங்களை வலுவாக்குகின்றன மேலும் தர்ம சங்கடமானவற்றின் சரியான விளக்கங்களை அளிக்கின்றன. அவை, ஆடைகள், உணவு, பேசும் விதம், சமூகத்தில் நடந்து கொள்ள வேண்டிய முறைகள், பரஸ்பர நடத்தைக் கோட்பாடு மற்றும் முன்னேறிச் செல்வதற்கான வழிகள் ஆகியவற்றைப் பரிந்துரைக்கின்றன. அவைகளே சமூகத்தின் மனச்சாட்சியாகும்.