இறைவன் சிலரை தண்டிக்கிறான், சிலருக்கு சலுகைகள் அளிக்கிறான் என்று கூறப்படுகிறது. நான் சொல்கிறேன்; இறைவன் இரண்டும் செய்வதில்லை. அவன் மின்கம்பியில் உள்ள மின்சாரம் போன்றவன். அது மின்விசிறியைச் சுழல வைத்து, ஒருவரது வாழ்க்கைக்கு சௌகரியம் அளிக்கிறது. அது மின் நாற்காலியை இயங்க வைத்து, ஒருவரது வாழ்க்கையைக் குறைத்து விடுகிறது. அதற்கு சூழ்நிலையின் உஷ்ணத்தைக் குறைக்க வேண்டும் என்ற ஆசையோ அல்லது உயிரைக் குடிக்க வேண்டும் என்ற ஆவலோ இல்லை. இறை அருள் வீசும் காற்றைப் போன்றது. பாய்மரத்தைச் சுருட்டி வையுங்கள், படகு செயலற்று செல்ல முடியாமல் இருந்து விடுகிறது. அவற்றை விரித்து விடுங்கள், படகு வேகமாக முன்னேறுகிறது. அது ஒளியைப் போன்றது. ஒருவர் வெளிச்சத்தை வைத்துக் கொண்டு நல்லவற்றைச் செய்கிறார்; மற்றொருவர் அதன் உதவியோடு தீய திட்டத்தை நிறைவேற்றுகிறார். ’’ அகத்தில் நாளைக்’’ (உட்புறத்தில் நாளைப் போல ஒளி வீசட்டும்) கொண்டு இருங்கள்; ‘’ புறத்தில் இரவைக்’’ (வெளி உலகம் உங்களுக்கு இருட்டாக இருக்கட்டும்) கொண்டு இருங்கள். வேதங்கள் இந்த உண்மையை உங்களுக்குக் கற்பித்து, அந்த அதிருஷ்டத்தை அடைவதற்கான கட்டுப்பாட்டை போதிக்கின்றன.