நீங்கள் அனைவரும் இரண்டு விஷயங்களை மறக்க வேண்டும். முதலில், நீங்கள் பிறருக்கு செய்த எந்த உதவியானாலும் அதை மறக்க வேண்டும். இரண்டாவது, மற்றவர்கள் உங்களுக்கு இழைத்த எந்தத் தீங்கானாலும்,அதையும் மறக்க வேண்டும். ஏனெனில், பிறர் உங்களுக்கு இழைத்த தீங்கை நினைவில் வைத்துக் கொண்டால், நீங்கள் பழி வாங்கத் திட்டமிடுவீர்கள். அதை மறந்து விட்டால், தீங்கு இழைக்க வேண்டும் என்ற சிந்தனையே எழாது. நீங்கள் செய்த உதவியை நினைவில் வைத்துக் கொண்டால், அவர்களிடமிருந்து பிரதிபலனை எதிர் பார்ப்பீர்கள். எனவே, இரண்டையும் மறந்து விடுங்கள்! அதற்கு பதிலாக, இந்த இரண்டு நிரந்தரமான சத்தியங்களை எப்போதும் நினைவில் கொள்ளுங்கள்! ‘’ இறைவன் ஒருவனே ‘’, இரண்டாவது, ‘’ மரணம் முன்பே நிச்சயிக்கப் பட்ட ஒன்று’’. ஒரு கல்யாணத்திற்கோ அல்லது சினிமாவிற்கோ நாம் செல்ல விரும்பும் போது, அதற்கான ஏற்பாடுகளை நாம் செய்கிறோம். உங்களுக்குக் கல்யாணத்திற்குச் செல்ல விருப்பம் இல்லை என்றால், நீங்கள் போகாமல் இருக்கலாம். அதைப் போலவே, ஒரு சினிமாவிற்குச் செல்ல உங்களுக்கு விருப்பம் இல்லை என்றால், நீங்கள் அதற்குப் பிறகு செல்ல ஒத்தி வைக்கலாம். ஆனால், உங்களது மரணம் எனும் இறுதிப் பயணத்தை ரத்து செய்யவோ அல்லது ஒத்திப் போடவோ முடியாது. இறுதிப் பயணத்திற்கான என்ன ஏற்பாடுகளை நாம் செய்து கொண்டு இருக்கிறோம்?