மரம், அதன் கிளைகளை அகலமாகப் பரவச் செய்ய முடியும். ஆனால், வேர்களில் நீர் பாய்ச்சினால் மட்டுமே, கிளைகள், பழங்களைத் தரக் கூடிய மலர்களை மலரச் செய்ய முடியும். அதற்கு பதிலாக,கிளைகள், பழங்கள் மற்றும் மலர்களின் மீது நீரைக் கொட்டினால், மரம் எப்படி வளர்ந்து, பரவ முடியும்? சமுதாயத்தின் சாந்தி மற்றும் வளமைக்கான வேர்கள், பக்தி மற்றும் சிரத்தை எனும் குணங்களாகும். எனவே, மக்களிடையே இந்த குணங்கள் வளர்ந்து, வலிமை பெறுவதில், கல்வி முறை கவனம் செலுத்த வேண்டும். அதிகார பதவிகளை வகிப்பவர்கள் அதிகாரிஸ் எனப் படுகிறார்கள். அந்த வார்த்தைக்கு, மிகவும் கொடிய எதிரி, அதாவது, அதிகா-அரி எனவும் பொருள் கொள்ளலாம்! உண்மையான அதிகாரிகள் அந்தப் பாதையைத் தவிர்த்து, தங்களது பதவிகளை, அவர்களின் ஆதிக்கத்திற்கு உட்பட்ட மக்களுக்குச் சேவை செய்வதற்குப் பயன் படுத்த வேண்டும். நமது முன்னோர்கள் இந்த தலை சிறந்த உண்மையை, அதன் நம்பகத் தன்மையை தாங்களே அனுபவித்த பின்னர் மட்டுமே புரிந்து கொண்டார்கள். இருப்பினும், நவீன காலத்தவர், அவர்களது கண்டுபிடிப்புகளை, நிராகரிக்கிறார்கள். நாகரிக நாடுகள் என்று அழைக்கப் படுபவைகளில் காட்டுமிராண்டித்தனத்தின் வளர்ச்சிக்கு இதுவே காரணம். இந்த உண்மையைப் பலர் உணரவில்லை.