நமது முதல் பணி, நமது கடமையை உணருவதே.அது வெற்றிக்கு அல்லது தோல்விக்கு இட்டுச் செல்லுமா என்று நாம் சிந்தித்துக் கொண்டே இருக்கக் கூடாது. ஒருவரது கடமை முயற்சி செய்வதே; முயற்சியின் வெற்றி அல்லது தோல்வியை இறைவனிடமே விட்டு விட வேண்டும்.நாம் இந்த மனப்பாங்கினை வளர்த்துக் கொண்டு விட்டால், நாம் வெற்றிகள் அல்லது தோல்விகளைப் பற்றிக் கவலைப்பட மாட்டோம்.எல்லா மாணவர்களும் தேர்வில் வெற்றி பெற வேண்டும் என்றே விரும்புகிறார்கள். முயற்சி (சாதனா) வெற்றியை விடவே அதிக முக்கியத்துவம் வாய்ந்தது என்பதை அவர்கள் உணர வேண்டும். நீங்கள் வெற்றி பெற வேண்டும் என்று கனவு காண்பதை விட, நீங்கள் அதற்கான முயற்சியைச் செய்ய வேண்டும் என்பதே அதிகம் முக்கியமானதாகும். உங்களை நீங்களே கேட்டுக் கொள்ளுங்கள். நீங்கள் மகத்தான வெற்றியை விரும்புகிறீர்கள் ஆனால், அதற்குத் தேவையான முயற்சிகளைச் செய்கிறீர்களா? நீங்கள் அதற்குப் பொருத்தமான முயற்சியை செய்தால், பின்னர், நீங்கள் விளைவைப் பற்றிக் கவலைப்படத் தேவையில்லை. துரதிருஷ்ட வசமாக,நீங்கள் விரும்பிய பலனை நீங்கள் பெறா விட்டால்,நீங்கள் அதற்காக வருந்தத் தேவை இல்லை; ஏனென்றால், நீங்கள் உங்கள் முயற்சிகளைச் செய்து விட்டீர்கள் ! இப்படிப் பட்ட மனத்திண்மையையும், சமச்சீரான மனப்பாங்கினையும் வளர்த்துக் கொள்ளுங்கள்; அதன் மூலம், நீங்கள் துள்ளிக் குதிக்கவோ அல்லது துவண்டு விடவோ மாட்டீர்கள்.