அடுத்த படி (தனித்தன்மை என்ற அறியாமையை விட்டு விடுவதற்கு, ‘’ நான் உன்னுடையவன் ‘’ என்ற மனப்பாங்கைக் கடைப்பிடிப்பதே முதல் படி),’’ நீ என்னுடையவன் ‘’ என்பதே; அதாவது அலை, கடலின் உதவியை தனது உரிமையாகக் கோருவது. தனி மனிதனைக் காத்து, வழி நடத்துவதற்கான பொறுப்பை, இறைவன் ஏற்க வேண்டும். தனி மனிதன், காப்பாற்றப் பட வேண்டிய அளவு முக்கியமானவன்; இறைவன், பக்தனின் தேவையைப் பூர்த்தி செய்தே ஆக வேண்டும். பக்த சூரதாஸர், ‘’ நீ என்னுடையவன்; நான் உன்னை விட மாட்டேன்; உன்னை என் இதயத்தில் சிறை பிடித்து வைத்து விடுவேன்; நீ தப்பிக்க முடியாது ‘’ என்று கூறினார். இதற்கு அடுத்த நிலை, ‘’ நீ, நானே’’- நான் உன்னுடைய பிரதி பிம்பமே அன்றி வேறில்லை. நீயே சத்தியம். எனக்கென்று ஒரு தனித் தன்மை இல்லை; இருமை என்பதே இல்லை. அனைத்தும் ஒன்றே. இருமை என்பது மாயையே அன்றி வேறில்லை.