யாராவது வயிற்று வலியினால் அவதிப்பட்டுக் கொண்டு இருந்தால், அதற்கு சிறந்த வைத்தியம் உப்புக்கள் அல்லது வெந்நீர்ப் பையை வயிற்றின் மீது வைப்பதே அன்றி கண்ணில் மருந்து போடுவது அல்ல. அறியாமையால் அவதிப்படுவதை, இறைவனின் பிரபஞ்சமயமானவன் என்பதையும், உங்களது தனித்தன்மையை அந்த பிரபஞ்சமயத்தோடு இரண்டறக் கலக்கச் செய்ய வேண்டும் என்பதையும் ஏற்றுக் கொள்வதன் மூலம் நீக்க வேண்டும்.முதல் படி, அவ்வளவு எளிதானதல்ல.’’ நான் உன்னுடையவன்’’ என்ற மனப்பாங்கைக் கடைப்பிடியுங்கள். அலை, தான் கடலைச் சார்ந்தவன் என்பதைக் கண்டு கொண்டு ஏற்றுக் கொள்ளட்டும். தன் கீழ் இருக்கும் கடலே, அதன் இருப்பைத் தருகிறது என்பதை உணர, அலைக்கு வெகு காலம் பிடிக்கிறது. அதை அந்த அளவு பணிந்து, கடலின் முன் குனிய அனுமதிக்கச் செய்யாத அளவு அதனது அகந்தை சக்தி வாய்ந்ததாகும். ‘’ நான் உன்னுடையவன்; நீயே தலைவன், நான் சேவகன். நீயே இறையாண்மை கொண்டவன்; நான் கட்டுண்டவன் ‘’ என்ற இப்படிப் பட்ட மனப்பாங்கு அகந்தையைப் பணிய வைக்கும். அகந்தையின் அனைத்து சுவடுகளையும் விடுத்து, உதவி மற்றும் வாழ்வாதாரத்திற்குத் தன் தாயைச் சார்ந்து இருக்கும் பூனைக்குட்டியைப் போன்ற இப்படிப் பட்ட மனப்பாங்கிற்கே மார்ஜால- கிஷோர என்று பெயர்.