நீங்கள் உங்களது செல்வம் மற்றும் சாதனைகளைப் பற்றி கர்வப் படக் கூடும்; ஆனால், நீங்கள் இந்த உலகை விட்டுப் போகும் போது, ஒரு சல்லிக்காசைக் கூட எடுத்துச் செல்ல முடியாது.இப்படி இருக்கும் போது, நீங்கள் செல்வத்தைக் குவிக்க ஏன் இப்படிப் போராடுகிறீர்கள் ?நீங்கள் குவித்து வைக்கும் பணம் உங்களைத் தொடர்ந்து வர முடியாது.கடைசியில் அது யாருக்குப் போய்ச் சேரும் ? எவருக்கும் தெரியாது! எனவே, இறை அருளைப் பெறப் பாடுபடுவது இதை விட நல்லதல்லவா?ஒரு கோடீஸ்வரன் கூட உப்பையும், அரிசியையும் தான் சாப்பிட வேண்டும், அவனோ அல்லது அவளோ ,தங்கள் பசியைத் தீர்க்க, தங்கத்தை விழுங்க முடியாது. எனவே, இறை அருளைப் பெறுவதற்குத் தகுந்தவாறு நீங்கள் தார்மிகமான செயல்களைச் செய்து புண்ணியத்தை ஈட்ட, செல்வத்தைப் பயன்படுத்த வேண்டும்.சில மனிதர்கள் தங்களது இளமை மற்றும் அழகைப் பற்றி கர்வம் கொள்கிறார்கள். ஆனால், அவை அனைத்தும் தாற்காலிகமானவையே.இந்த முக்கியமான சத்தியங்களை உணர்ந்து,நீங்கள் அனைவரும் தெய்வீக அருள் எனும் செல்வத்தை குவித்துக் கொள்ள வேண்டும். எப்போது நீங்கள் ஒருமித்த மனக் குவிப்பான பக்தியுடன், இடையறாது இறைவனை தியானிக்கிறீர்களோ, அப்போது இறைவன் உங்களது அனைத்து தேவைகளையும் கவனித்துக் கொள்வான்.