பண்டைய காலங்களில் இருந்தே, பல உன்னதத் தாய்மார்கள் தங்களது பிள்ளைகளை தார்மிகமான பாதையில் வழி நடத்தி வந்துள்ளார்கள். தேசங்களின் எதிர்காலம், உன்னதத் தாய்மார்களின் கரங்களிலேயே உள்ளது. அதனால் தான், நீங்கள் உங்கள் சொந்த நாட்டை, தாய்நாடு என்று அழைக்கிறீர்கள். உங்கள் தாயை நேசித்து, மதிப்பது உங்களது தலையாய கடமையாகும். காலையில் எழுந்தவுடனேயே நீங்கள் செய்ய வேண்டிய முதல் வேலை, உங்களது தாயின் பாதங்களைத் தொட்டு, நமஸ்கரிப்பது தான். இப்படிப் பட்ட உன்னதமான பழக்கம் உங்களை எப்போதும் பாதுகாத்து, உங்களுக்கு அனைத்து விதமான செல்வங்களையும் அளிக்கும். தனது தாயை நேசித்து, அவளது ப்ரேமையையும், ஆசீர்வாதங்களையும் பெறுபவரே, ஒரு உண்மையான மனிதர் ஆவார். தங்களது குழந்தைகளின் நலனை நாடி, தாய்மார்கள் அவர்களது இதயபூர்வமாக பேசுவார்கள். பலர், அவர்களது தாய்மார்களின் வார்த்தைகளைக் கேட்பதில்லை. தனது தாயின் ப்ரேமையைப் பெற முடியாதவர் உண்மையில் ஒரு அரக்கனே. நீங்கள் பல பட்டங்களைப் பெறலாம் அல்லது பல புனிதமான செயல்களை ஆற்றலாம்; ஆனால், நீங்கள் உங்கள் தாயை சந்தோஷமாக வைத்துக் கொள்ளவில்லை என்றால்,அவை அனைத்தும் வீணே.